Burger Mate

營業中

休息中

用心Homemade嘅漢堡包店真係少有。繼上一次嘅漢堡包店，今次又俾我揾到間好正嘅漢堡包店。呢間漢堡包店由外籍人士打理，食材全部從外國購入，漢堡牛從美國，雞肉從新西蘭。廚師用心每天製作漢堡牛扒，麵包。。。🍔瑞士芝士安格斯牛漢堡單層安格斯牛由美國進口。上下麵包比其他店薄，一咬成個漢堡嘅主角就係牛肉，再配有奶味比較濃嘅瑞士芝士，好惹味😋Must Eat❗🍔黑鬆露蘑菇安格斯牛漢堡如果你食量比較大，呢個漢堡就啱晒你喇！呢個漢堡係我食過咁多間最份量十足嘅！兩層安格斯牛，啖啖肉，由美國進口嘅牛肉煎起上黎牛味更重。一咬落去啲牛肉肉汁zi哂出黎，再配有足料黑松露+粒粒蘑菇，成件事簡直係完美👍🏻Must Have‼️🍟黑松露薯條食漢堡梗係要有埋薯條啦。呢個間店好似當黑松露唔洗錢甘，成份薯條佈滿哂黑鬆露。基本上每條薯條都可以俾黑松露包圍住。🐥雞翼炸得香脆可口嘅新西蘭雞翼，炸粉唔厚，雞味十足！配有香濃嘅醬汁，好惹味。