影片
更多
2022-06-17
213 瀏覽
.📍Moon Moon 二悅📍#饅頭去元朗 #饅頭食台灣菜------------------------------1️⃣ 二悅紅燒牛腱麵 ($75)小編嘅美食版圖終於擴展到大西北啦，呢家小店係因為睇咗我最愛嘅you tuber @imalfredchan 嘅vlog所以想試一試。題外話，小編覺得店家好識得利用自己菜式嘅特色幫自己嘅店舖改名，「二悅」通「二月」，同店舖嘅英文名Moon moon相乎，帶有舒適風雅嘅意味；同時呢度嘅牛肉麵最特之處在於可以同時享受「撈」同「湯」嘅食法，雙重滿足，雙重喜悅，故名二悅。講翻飲物，呢度嘅牛鍵有三大嚿😍，非常厚肉，質地係好q彈嗰款，超有咬口，但入囗肉質都ok鬆散唔會好乾好黐牙，牛肉味幾突出，但我個人會更喜愛軟腍嗰種質感，所以我覺得加湯等佢濕啲會更好食。麵係非常幼身，成功鎖到蔥油，入囗滿滿清新嘅青蔥夾雜油香，唔會有唔新鮮嘅油膉感，不過就咁食就有啲乾，雖然麵唔係好彈牙，但加湯後都保留到些少爽身嘅感覺，算係唔錯。至於碗紅燒牛肉湯真係好好飲！溫度夠熱，未飲就已經聞到好濃郁嘅牛骨香，入囗溫和舒適帶些少清甜😁👍🏻，唔會過鹹，緊接微微嘅香辣油散發喺口中，牛骨餘韻久久
📍Moon Moon 二悅📍#饅頭去元朗 #饅頭食台灣菜
------------------------------
1️⃣ 二悅紅燒牛腱麵 ($75)
小編嘅美食版圖終於擴展到大西北啦，呢家小店係因為睇咗我最愛嘅you tuber @imalfredchan 嘅vlog所以想試一試。題外話，小編覺得店家好識得利用自己菜式嘅特色幫自己嘅店舖改名，「二悅」通「二月」，同店舖嘅英文名Moon moon相乎，帶有舒適風雅嘅意味；同時呢度嘅牛肉麵最特之處在於可以同時享受「撈」同「湯」嘅食法，雙重滿足，雙重喜悅，故名二悅。
講翻飲物，呢度嘅牛鍵有三大嚿😍，非常厚肉，質地係好q彈嗰款，超有咬口，但入囗肉質都ok鬆散唔會好乾好黐牙，牛肉味幾突出，但我個人會更喜愛軟腍嗰種質感，所以我覺得加湯等佢濕啲會更好食。
麵係非常幼身，成功鎖到蔥油，入囗滿滿清新嘅青蔥夾雜油香，唔會有唔新鮮嘅油膉感，不過就咁食就有啲乾，雖然麵唔係好彈牙，但加湯後都保留到些少爽身嘅感覺，算係唔錯。
至於碗紅燒牛肉湯真係好好飲！溫度夠熱，未飲就已經聞到好濃郁嘅牛骨香，入囗溫和舒適帶些少清甜😁👍🏻，唔會過鹹，緊接微微嘅香辣油散發喺口中，牛骨餘韻久久於口中，就咁飲完都唔會覺得口渴，mix蔥油更添層次😋，好夾，我覺得成碗麵加湯之後會好食啲。side dish仲有一小碟甜甜哋嘅醃菜粒，幾開胃。
2️⃣ 二悅紅燒牛肉麵 ($70)
3️⃣ 手工肉臊乾拌麵定食 ($64)
🔹牛肚
🔹溏心蛋
------------------------------
🔸整體評分：8.0/10
🔸小編回頭率：7/10
張貼
