香港老飯店

營業中

休息中

同小學同學一齊去食飯，因為同學大肚，所以我哋專登揀咗中菜餐廳食。同學話呢間餐廳已經好耐歷史，所以特登黎試一試。呢間餐廳真係好耐歷史，連裝修都幾懷舊，係一間傳統嘅老式飯店。我個人都幾鍾意食上海野，而呢間鋪頭都幾正宗。高力豆沙，好好食而家已經好少餐廳會再整高力豆沙，好開心仲食到。雖然係油炸，但係一啲都唔油膩，而且入邊嘅豆沙香甜吾漏。茶鴨普通，雖然好香，但係感覺好似食緊煙鴨胸，而且肉質偏硬，冇咩肉汁。仲有貝殼形狀嘅饅頭，聽講可以夾鴨肉食，但係饅頭口感好乾。