麻酸樂米線專門店 (+WOO嘉湖一期)

營業中

休息中

今日做完野同朋友食晏，佢就話去食呢間。佢有套餐係一個米線加一個小食咁既。 我叫左個魚腐米線小酸辣，小食要豆腐皮蛋。朋友就叫左豬肉丸紅薯粉小麻辣既，小食要炸雲吞。魚腐米線小酸辣好味既，但個湯就唔係好酸同唔係好辣，開頭我以為係蕃茄湯。個魚腐好食呀，唔會腥。 米線唔會好淋，最中意硬硬地既米線。豬肉丸紅薯粉小麻辣都唔錯，朋友話最中意佢既豬肉丸，佢次次都會叫，於是佢俾左一粒我試下。 一咬落去好彈牙好好食呀，唔會好淋zi zi 咁。 好味道！豆腐皮蛋個汁辣辣地幾好食，d 豆腐好滑，d 皮蛋撈埋d 汁都好好食。個炸雲吞就差dd 喇，一黎佢炸得太犀利，二黎佢成舊野都好似係粉黎，只有少少食蝦，我諗佢有9/10 都係炸粉，所以我覺得幾油膩同埋好似只係食緊粉咁。