老厝邊 (已結業)

大角咀真係好多好野食，呢間價錢唔係好貴，份量十足，一定食到飽突突，呢間已列入可encore系列。秘製麻辣牛肉麵湯底唔會好咸，雖然佢身為一個麻辣湯底，個人覺得完全唔辣😝😝，麻、辣都唔係好食到😚，佢既牛肉等於牛展，炆到好淋好入味，啲根位唔會咬落好硬，非常好👍。作為一個好麵之人，麵底都好重要，偏幼既麵底，浸落個湯到完全吸哂湯底既精華，咬落都幾有彈性，唔錯唔錯！香噴噴炸雞排便當🍱一上枱比佢既size 震撼到，大過我隻手阿其實！雞排炸粉好簿而且炸到幾酥脆，可惜味道淡左啲，便當仲跟左花椰菜、粉絲、豆芽等配料，份量都幾足。經典珍珠奶茶🧋茶味較淡，黑糖珍珠口感煙煙韌韌搭救，下次要試其他！古早味冬瓜茶好味！