Hungry Monkey (金朝陽中心二期 - Midtown) (已結業)

銅鑼灣登龍街美食多羅羅，《Hungry Monkey》名字十分有趣，原來是潮流日本菜食店。點了兩杯特飲，使用發光杯墊，感覺好浪漫。小鮮肉~主要係芒果，Sake，青檸汁及soda water。自己嗰杯叫十八歲~內容包括士多啤梨，Sake，橙汁及蘋果汁，味道唔會太甜。蕃茄蒜子沙律~新鮮蕃茄多汁，好醒胃，作為餐前小吃一流。螢光魷魚~海水味好濃，質感滑捋捋，味道比較鹹，送啤酒最啱。南非鮑魚~爽口彈牙好新鮮。清蒸托托蜆~蜆肉新鮮大大隻，鮮味可口。清酒煮蜆~用特製膠袋盛載蜆埸，加熱，打開時熱辣辣香噴噴。松葉蟹肉甲羅燒~大量蟹肉及蟹膏，好香口。明太子御好燒~御好燒上面是大量明太子，再加入芝士煎香，食嘅時候可隨意加入紫菜及紅薑。甜品-柚子雪葩及桃雪葩~冰凍消暑最啱。