源記餐廳 (已結業)

有時候都想食啲平啲簡單啲嘅晚餐，今晚同朋友去咗時代廣場買新電話，買完行過對面街就見到源記餐廳，出名牛腩，朋友之前去過尖沙咀嗰間覺得唔錯，今次趁有機會就入去銅鑼灣呢間食下。不過可惜我哋太夜啦，牛腩都賣完，我哋就叫咗個雞翼薯格，新鮮炸起所以又香又脆，而且都幾大碟，兩個人食其實都幾多，不過又忍唔住食晒喎😂叫左個菜心，啲菜幾新鮮鮮甜。我哋叫咗兩杯杏霜，一個凍一個熱，不過我朋友話其實杏霜都係熱嘅好飲啲😆另外仲叫咗個餐蛋飯，叫呢個純粹係個人喜好，唔知點解由細到大都咁鍾意食餐蛋飯😂個飯都好大碟下，如果可以多啲汁就更加好🤣