牛極 (雅怡居)

營業中

休息中

呢一日無無聊聊來到長沙灣，去咗貨櫃商場行下，跟住又來到青山道，見到一間熟悉的日式店，熟悉並不是來過，而係試過第二間分店，而呢間睇來好新淨，之前未見過，估計開嘅時間不太長。呢間同樣有售票機，採用先買飛後入座政策。點咗牛肩扒180g同埋牛柳200g，係成間舖最抵吃之選。雖然平，但品質一啲都唔差，牛柳嘅肉味濃郁，啱『重口味』人士，而牛肩肉就好嫩滑，鋪頭整咗一成熟後，畀客人自己燒到自己鍾意嘅成數，最最喜歡咁嘅做法，因為半自助形式，飯，湯，沙律，水任你吃幾多攞幾多，唔會嘥嘢。