富源潮州打冷美食

營業中

休息中

每次搭車經過都見呢間大排檔座無虛席，決定訂位同屋企人試試。估唔到唔止夠風味，簡直係平靚正🤪。.🥢滷水拼盤 $88食潮州打冷一定唔少得滷水。滷水汁夠香又唔會太鹹，唔會遮蓋食材本身嘅味道。鵝腸爽口彈牙好惹味☺️。.🥢富源小炒皇 $68蝦乾、魚乾、鮮魷食落夠鮮味，加上翠綠無渣嘅蒜心苗，超好餸飯。.🥢咕嚕肉 $68咕嚕肉外脆內軟，配上酸甜開胃嘅醬汁，令人食到停唔到口。.🥢蒜蓉炒油麥菜 $45大排檔炒碟菜都特別夠鑊氣，唔會炒到出晒水，所以連油麥菜食落都比平時清甜。.本身好少食大排檔，好彩呢度老板娘熱情得嚟又老實，推介咗幾道好味得嚟價錢又平民嘅小菜，所以先食到好嘢😋。