竹地館

營業中

休息中

百物騰貴，自己煮仲貴過買外賣，近期在公司附近發現呢間良心小店，20蚊一個飯盒，最緊要係味道唔差，每日有唔同款式選擇，菜式會寫在櫥窗玻璃上。飯餸份量都很多，加2蚊可以有個湯，湯料十足，可堂食可外賣。最喜歡京都骨，肉質鬆軟，汁煮得很入味；排骨好似係用蛋液粉漿包住炸的，不會太乾，裏面都好juicy。竹地館嘅滷味都好好味，唔會過鹹，我經常會買豬肚和豬脷做餸，好有咬口，但滷水牛肉偏硬。每日有唔同特價，試過25蚊特價沙薑雞飯，有成半隻沙薑鷄。蘿蔔牛腩係常設菜式，蘿蔔同牛腩都煮得好入味。