影片
更多
2018-07-19
158 瀏覽
喺旺角想搵餐飯食，談何容易。不過如果想搵間平靚正、cp值又高嘅火鍋店，我就會介紹呢間《馬辣台式鴛鴦火鍋》喇。呢間馬辣火鍋位於旺角嘅心臟地帶創興廣場14樓， 地點極之便利， 行完街放完工去開餐都非常之方便。餐廳嘅裝修舒適，地方極之寬敞，仲採用咗卡位座， 一路打邊爐一路傾計就最方便啦。 另外餐廳有大玻璃可以望到彌敦道嘅熱鬧， 感覺相當開揚。呢度嘅放題火鍋價錢非常之吸引， 星期一至日任食火鍋兩小時都只係158蚊，加埋一都只係170蚊左右，相當超值。講番啲食物，餐廳有四大個火鍋配料雪櫃，閒閒哋都有過百款材料，令人目不暇給。調味料方面亦同樣講究，既有蔥、蒜、辣椒呢啲基本嘢之外，亦有黑醋、洋蔥蓉、花椒油、 腐乳等等的選擇， 隨自己喜好「混混醬」。而且仲有各款精選肉類同海鮮任點， 肥牛有【美國安格斯黑牛】、【美國prime頂級牛梅花】， 仲有【美國無骨牛小排】。 三款肥牛嘅質素都相當高。 色澤紅潤， 而且雪花均勻， 食曬嘅話仲可以繼續encore添~另外海鮮我就推介【海蝦】同埋【脆肉鯇魚腩】， 海蝦夠新鮮， 蝦肉爽口彈牙，味道又夠鮮甜。 而脆肉鯇魚腩，冇泥味唔腥之餘，咬落亦夠爽口。另外推薦的食物有【
呢間馬辣火鍋位於旺角嘅心臟地帶創興廣場14樓， 地點極之便利， 行完街放完工去開餐都非常之方便。
餐廳嘅裝修舒適，地方極之寬敞，仲採用咗卡位座， 一路打邊爐一路傾計就最方便啦。 另外餐廳有大玻璃可以望到彌敦道嘅熱鬧， 感覺相當開揚。
呢度嘅放題火鍋價錢非常之吸引， 星期一至日任食火鍋兩小時都只係158蚊，加埋一都只係170蚊左右，相當超值。
講番啲食物，餐廳有四大個火鍋配料雪櫃，閒閒哋都有過百款材料，令人目不暇給。
調味料方面亦同樣講究，既有蔥、蒜、辣椒呢啲基本嘢之外，亦有黑醋、洋蔥蓉、花椒油、 腐乳等等的選擇， 隨自己喜好「混混醬」。
而且仲有各款精選肉類同海鮮任點， 肥牛有【美國安格斯黑牛】、【美國prime頂級牛梅花】， 仲有【美國無骨牛小排】。 三款肥牛嘅質素都相當高。 色澤紅潤， 而且雪花均勻， 食曬嘅話仲可以繼續encore添~
另外海鮮我就推介【海蝦】同埋【脆肉鯇魚腩】， 海蝦夠新鮮， 蝦肉爽口彈牙，味道又夠鮮甜。 而脆肉鯇魚腩，冇泥味唔腥之餘，咬落亦夠爽口。
另外推薦的食物有【麻吉燒】， 即係類似花生湯圓嘅配料， 甜甜地，外皮夠糯夠煙韌， 用嚟打邊爐出奇地配搭。另外推介有【鮮鵝腸】，鵝腸肥膏已預先去掉，咬落彈牙又爽口， 但記得千祈唔好滾咁耐，如果唔係好容易變橡筋架~ 另外一款第一次見嘅丸類有【薑汁皮蛋豬肉丸】，味道夠特別， 似平時食開嘅皮蛋酸薑， 裏面肉汁juicy，豬肉丸又彈牙。
另外推介嘅有即包嘅【韮菜餃】同埋【洋蔥牛肉餃】，兩者 餡料都非常豐富。
飲品方面的選擇日超級多， 熱飲有花茶系列， 而凍飲就有冰凍的果汁、涼茶，又或者韓國罐裝飲品， 仲有獅威同嘉士伯 啤酒任飲。
甜品方面仲有各款雪糕同雪葩，亦有自家製作甜品， 打完邊爐，滿足埋食甜品嘅胃。
總括而言，百零二百蚊可以食到咁多嘢， 真係買材料、洗切、食完洗碗嘅步驟都慳番， 難怪就算平日都吸引咗勁多人幫襯喇~~ 呢間《馬辣》可算平靚正， 值得推薦。
張貼
