河內越式料理

營業中

休息中

好想食河粉就特登搵間越南嘢食，又真係幾高質，河粉同飯都係50幾60蚊，仲要份量好多，大力推薦雞絲湯河粉，雞絲滑，唔係嚡sapsap，搭配香葱同乾蒜，中意可以落青檸同辣椒調味，湯底好香，味道夠濃郁，芽菜爽口，大碗到食唔哂😹男朋友食豬頸肉撈檬都好好食，豬頸肉外邊微脆，醃得入味，中意酸甜味既人就會中意食撈檬多啲😋如果有埋豬頸肉湯河粉就好啦！熱情果冰酸甜好正好爽，椰汁紅豆冰則較甜，椰奶味香濃👍另外店員同店長都好有禮貌，入座主動介紹餐廳推介菜式，服務回應快，環境都乾淨光猛，坐得幾舒服。