葉公館 (已結業)

一上到嚟已經見到差唔多滿座，睇嚟呢度係好出名嘅街坊食堂！呢度嘅小菜真係平靚正，好大份之餘好多選擇，今次試咗火焰棟企雞($98)呢道菜都唔係好多地方有得食！雞嘅尺寸一啲都唔細，加上就一點火，非常之吸睛👀而且味道都唔差完全係炸子雞棟喺度嘅版本，皮非常之脆！油都滴落去底嘅座盤，肉好嫩滑👍👍呢度有好多唔同嘅晚市孖寶選擇，今次試咗小炒王+ 蒜蓉粉絲開邊蝦($218)小炒王好香口亦都好足料，有唔少蝦同埋帶子肉，腰果好香😋蝦嘅肉質都唔錯，蒜蓉粉絲更加係重點！兩個人食三樣嘢都食唔晒，仲有好多其他菜式想試添，下次可以再encore！