新華苑酒家

營業中

休息中

朋友推介呢間蒸氣鍋好抵食，今日有朋友生日，所以揀左呢到同佢慶祝一下。地方都幾大，坐得好舒服。呢到係任飲任食兩個半鐘，雖然咁樣睇種類唔係好多，但係都可以食到好飽，而且我都係追加左兩次咋！點菜後無耐就先送隻乳鴿黎食👍🏻d海鮮一黎到已經覺得好新鮮，食落真係好鮮甜好好味👍🏻元貝聖子大大隻，啖啖肉😋同埋呢到有專人幫你計時幫你蒸，完全唔需要自己動手。手切和牛粒同埋手切和牛肉都追加左兩次，蒸出黎完全唔「鞋」，好入味仲好淋添。食到最底就係個粥底，所以海鮮既精髓都係哂呢個粥底到，令到個粥又鮮又甜，唔洗落其他味精都夠哂味。