半島漁港宴會廳

營業中

休息中

今日同朋友約好到元朗半島漁港宴會廳食晚飯。今日去到叫壽尾飲住茶睇下食咩野。結果選了豐料老火靚湯，柚子蜜香骨，金沙海生蝦，必食孖寶上湯西澳洲龍蝦伊麵加清蒸沙巴龍躉仔仲有$1燒鵝皇。豐料老火靚湯-粉葛赤小豆煲豬肉鯪魚夠晒濃味，非常好味道連湯渣都食埋 。柚子蜜香骨-甜甜地，骨夠晒入味,份量都大碟抵食。金沙海生蝦-個殼都好香口，蝦肉肉質好好爽口彈牙。蝦味濃夠鮮味。上湯西澳洲龍蝦伊麵-龍蝦口感好肉質好，伊麵同龍蝦真係幾夾。清蒸沙巴龍躉仔-沙巴龍躉仔都唔算仔都好大條，魚肉夠滑蒸得時間岩岩好。燒鵝皇：$1真係抵食夾大件仲要有埋燒鵝脾簡直超值仲有係好味道，皮脆肉嫩。加埋枝朝日啤酒去食燒鵝簡直一流。食飽仲有紅豆沙送，味道唔會太甜岩岩好。