半島漁港宴會廳

營業中

休息中

身為元朗街坊，今次真心想推爆呢間新開粵式酒樓！晚市$1特價菜多到揀唔晒，仲要服務貼心到喊，即刻同大家分享實戰食評👇 📍位置環境位於鳳琴路（鳳琴體育館對面），門面光猛闊落，裝修走傳統中式風格但夠新淨。星期六晚6點到埗已坐滿七成，建議一家大細早少少去霸位！ 👶🏻家庭友善度• 主動提供消毒BB椅• 上菜神速！落單10分鐘內開始出菜 • 見到我個仔打瀉水杯，3秒衝嚟幫手抹 💰1優惠攻略每日晚市5:30後供應8款特價菜，今次試咗👇 🔥蒜蓉粉絲蒸元貝 ($1/隻)每枱限點4隻（按人頭計），元貝大過乒乓球🏓！肉質彈牙鮮甜，粉絲索晒蒜香同海鮮汁，老公喪隊兩碗白飯送佢～ 仲有$1燒鵝/文昌雞，建議組隊嚟掃Menu！ 🍲菜品實測✅柚子蜜香骨 驚喜之作！排骨炸皮超脆但肉質軟嫩，柚子蜜甜酸比例完美，連80歲阿婆都咬得開～ ✅銀杏竹笙浸時蔬 菜心苗+竹笙+銀杏，湯底用雞湯熬超鮮甜，細路飲到見底！ 北菇紅燒豆腐豆腐滑溜但稍嫌淡口，建議撈元貝蒜蓉汁食即時升呢～ 📦份量警報4大1小叫4個餸+白飯，最後打包兩盒走！每個菜都係XXL碼，人均$120有找抵到笑～ 💡隱藏貼士1. 晚市5:45前到免排隊

是日在元朗與友好吃晚餐吃中餐，好快就安排好座位。餐廳好新淨，裝修都好新。魚缸有大量生猛海鮮，大大隻蟹大大條龍躉。仲有掛晒一隻隻鵝等待整燒鵝。$1之選點左燒鵝皇，豐料老火靚湯係粉葛赤小豆煲豬肉鯪魚，孖寶（上湯西澳洲龍蝦伊麵+清蒸沙巴龍躉仔）,金沙海生蝦，柚子蜜香骨乃是日之選。燒鵝皇：有一枝蠟燭熱住，保持著燒鵝溫度。燒鵝皮脆肉嫩,仲有燒鵝脾燒鵝唔會太肥又有鵝香。個份量真係唔係$1咁,物超所值。加支朝日食燒鵝更加爽皮。粉葛赤小豆煲豬肉鯪魚湯：粉葛赤小豆，湯水清潤赤小豆又去濕好適合依家天氣飲，每人分到三碗。仲要好足料,成碟可以食埋。上湯西澳洲龍蝦伊麵：龍蝦肉爽口彈牙,啖啖肉有口感,個份量都算唔細。伊麵軟硬適中,吸收了龍蝦鮮味加上上湯更加好味道。清蒸沙巴龍躉仔：都唔算細條,魚肉鮮嫩有魚味,蒸起來時間剛剛好,唔會過火。金沙海生蝦：海蝦肥美,外殼也香口,真係可以連殼都食埋。柚子蜜香骨：柚子蜜既甜緊緊鎖在香骨之上,肉質都好好。仲有送甜品紅豆沙，一人一碗大大碗紅豆沙。

今日同朋友約好到元朗半島漁港宴會廳食晚飯。今日去到叫壽尾飲住茶睇下食咩野。結果選了豐料老火靚湯，柚子蜜香骨，金沙海生蝦，必食孖寶上湯西澳洲龍蝦伊麵加清蒸沙巴龍躉仔仲有$1燒鵝皇。豐料老火靚湯-粉葛赤小豆煲豬肉鯪魚夠晒濃味，非常好味道連湯渣都食埋 。柚子蜜香骨-甜甜地，骨夠晒入味,份量都大碟抵食。金沙海生蝦-個殼都好香口，蝦肉肉質好好爽口彈牙。蝦味濃夠鮮味。上湯西澳洲龍蝦伊麵-龍蝦口感好肉質好，伊麵同龍蝦真係幾夾。清蒸沙巴龍躉仔-沙巴龍躉仔都唔算仔都好大條，魚肉夠滑蒸得時間岩岩好。燒鵝皇：$1真係抵食夾大件仲要有埋燒鵝脾簡直超值仲有係好味道，皮脆肉嫩。加埋枝朝日啤酒去食燒鵝簡直一流。食飽仲有紅豆沙送，味道唔會太甜岩岩好。

元朗火鍋放題抵食之選！半島宴會廳阿翁火鍋元朗想打邊爐來半島宴會廳阿翁火鍋最岩！一價全包！有刺身、阿翁極級牛頸肩、至尊水餃王、雞蓉配燕窩！食材高質又好味！仲有多款配料任點任食！飲品汽水啤酒任飲！重點不限時👍🏻食到飽無難度阿翁極級牛頸肩～呈現雪花紋絡～油脂分布平均至尊水餃王～大大隻蝦仁！餡料飽滿湯底、湯鍋都有10款可以簡！有辣有唔辣今次試咗招牌「澳門豬骨湯底」～湯色奶白配上豬骨同紅蘿蔔，真材實料！飲落鮮甜唔油膩，涮肉前飲咗兩碗暖胃食材高質、環境闊落舒適！坐得舒服唔逼夾，最啱一班人圍爐吹水！抵食Tips：晚市8點後入座有折，豬骨湯底記得追加粟米更加甜！#元朗火鍋放題 #阿翁豬骨鍋 #手打丸必試

元朗任食打邊爐吾係太多選擇，最近新開了一間分店星的半島漁港宴會廳。其實我食過半島漁港的其他分店，包括小菜和火鍋，最喜歡都係火鍋任飲任食，因為不限時，坐著一邊聊天一邊吃東西。吃過幾次半島的火鍋，吾會有厭既感覺，原因係食物材料好新鮮。我鍾意光顧半島係因為坐得舒服，職員服務好，食得開心。元朗分店食火鍋前有雞煲食，我地飲啤酒，中辣已經好辣。食完雞煲記開始打邊爐，海鮮拼盤，阿翁極品牛頸脊，鮑魚鵝掌，刺身同埋水餃王👍🏻👍🏻食完第一輪再叫點菜已經飽了，食完第一輪已經有點飽了，然後吃點租啊。