裕記牛什粉麵

營業中

休息中

晚上經朋友介紹旺角亞皆老街74號裕記牛腩粉麵。喺正旺角女人街附近遊客區，門口有個大餐牌寫住正宗潮州牛雜魚蛋各色粉麵飯餐牌，最貴淨食牛三寶128元最平油菜心12元最少有29款美食任你揀。我叫咗招牌牛全寶粗麵、招牌硼砂牛腩幼麵、最後叫多一碗鮮蝦雲吞同腐乳通菜，因為鮮蝦雲吞都係佢嘅招牌菜，我都想試吓，果然唔錯佢用咗好大粒嘅鮮蝦同瘦肉我鍾意佢加咗大地魚粉特別好味😋招牌牛全寶粗麵食材有牛孖筋、牛柏葉、金錢肚、肥牛、硼砂腩。老細冇介紹錯呢碗招牌全牛寶👍尤其佢個硼砂腩肥瘦適中，火候啱啱好，唔會太腍，口感一流，牛孖筋唔會韌，牛柏葉夠爽口😋朋友真係冇介紹錯👍喺遊客區可以食到好食潮州牛腩麵價錢合理抵食😊兩個人只係食咗158元就好飽🤔😘