影片
更多
2023-12-16
1516 瀏覽
尋找世一米線的故事 – ep. 20 一鍋雞路經長沙灣，見到係天悅附近開左間濃湯雞米線店，店舖都幾光猛乾淨，咁就入去試一試。黎到呢度，主打當然係濃湯雞，所以就叫左<招牌花膠濃湯雞>同埋<竹笙椰子濃湯雞>，另外亦加錢叫左比較特別的小菜，分別係<惹味豬手粒>、<椒鹽炸粟米>同埋<木魚花皮蛋豆腐><招牌花膠濃湯雞>及<竹笙椰子濃湯雞>呢度原來唔係就咁上米線，係可以一人一鍋，仲可以一路滾一路食。湯底除左雞味夠晒香濃外，其實味道都幾清，最重要肯定無味精，因為全程飲晒湯都無口渴的感覺，而椰子湯底就充滿椰香味，另外，米線係另上，所以唔會浸到好淋，同時都可以放番湯到滾熱，令米線更加入味。餸料方面，雞肉幾嫩滑，同埋每碗都有5-6舊，算係足料。另外配上入晒味的竹笙或者大大舊的花膠，再加埋蔬菜，每碗都係50幾至60幾蚊，其實都算抵食。<惹味豬手粒>‧<椒鹽炸粟米>‧<木魚花皮蛋豆腐><惹味豬手粒>的豬手起骨切晒粒，啖啖都係肉，配埋青瓜
路經長沙灣，見到係天悅附近開左間濃湯雞米線店，店舖都幾光猛乾淨，咁就入去試一試。黎到呢度，主打當然係濃湯雞，所以就叫左<招牌花膠濃湯雞>同埋<竹笙椰子濃湯雞>，另外亦加錢叫左比較特別的小菜，分別係<惹味豬手粒>、<椒鹽炸粟米>同埋<木魚花皮蛋豆腐>
<招牌花膠濃湯雞>及<竹笙椰子濃湯雞>
呢度原來唔係就咁上米線，係可以一人一鍋，仲可以一路滾一路食。湯底除左雞味夠晒香濃外，其實味道都幾清，最重要肯定無味精，因為全程飲晒湯都無口渴的感覺，而椰子湯底就充滿椰香味，另外，米線係另上，所以唔會浸到好淋，同時都可以放番湯到滾熱，令米線更加入味。
餸料方面，雞肉幾嫩滑，同埋每碗都有5-6舊，算係足料。另外配上入晒味的竹笙或者大大舊的花膠，再加埋蔬菜，每碗都係50幾至60幾蚊，其實都算抵食。
<惹味豬手粒>‧<椒鹽炸粟米>‧<木魚花皮蛋豆腐>
<惹味豬手粒>的豬手起骨切晒粒，啖啖都係肉，配埋青瓜以陳醋汁調味幾開胃。<椒鹽炸粟米>幾惹味，最重要粟米唔會乾同埋夠晒甜，另外去左芯，切成一塊塊容易食。而<木魚花皮蛋豆腐>有半舊皮蛋同大大舊豆腐，配上木魚絲同埋秘製醬汁，又係另一好味之選。
整體黎講，由於長沙灣附近無雞湯米線店，價錢同質素都唔錯，所以對街坊黎講都係其中一個好選擇!
張貼
