千杯串居酒屋

營業中

休息中

病咗一段時間，終於攞到permit出街食下飯，好感動。，朋友就帶咗我去朗屏附近一間居酒屋食飯，同我慶祝下。😍😍餐廳裝修係日本風情，除咗有一啲日本風景畫之外，牆壁放滿咗好多清酒樽做裝飾，加埋幾盞日式吊燈，好有feel。😄😄由於大病初癒，今次我就冇飲酒啦，叫咗杯四季春水果茶，味道好清新，略酸，唔會過甜，啱晒我。💕💕冇幾耐就開始有野食啦。 首先黎既係牛魔王拼盤。拼盤有兩串牛舌，兩串牛柳粒，一串冬菇同一串燒和牛。牛舌油脂香，牛柳粒燒得啱啱好，好易咬香，而且牛味突出。和牛比牛柳更添一份溶化既口感，非常唔錯。☺️☺️之後黎既黎五花腩，肥瘦層次分明，調味簡單用鹽同黑椒，已經好足夠。💕💕😄😄之後黎既係八寶蟹皇天丼。丼飯材料豐富，有天婦羅蛋，一整隻軟殼蟹，蟹肉，蟹膏醬，蟹柳同蟹籽等等。軟殼蟹炸得好香脆，冇油淋淋既感覺。蟹肉蟹膏醬配飯亦非常搭配！😄😄最後係甜品係營火燒忌廉棉花糖脆脆。面頭鋪咗四粒烘過既棉花糖，外脆內軟。下面係cream同Oreo碎，相信呢個組合係唔會有得輸既！大滿足！💕❤️😍😄