爆爆鍋 (已結業)

今日去咗銅鑼灣一間可以一個人打邊爐， 入到去坐低qr code落單， 揀咗 台灣爆炒石頭鍋 配 穀飼豬梅花肉再附加走地雞腿肉， 佢有人會過嚟幫你爆炒啲配料先(有誠意)， 佢有洋蔥， 蒜蓉， 鰹魚汁， 蔥花， 炒到香味散發， 跟住再加湯同鰹魚汁去打邊爐， 因為打邊爐本身都屬於熱氣， 所以佢蔬菜 類係放題畀你食， 你自己任夾， 款式都多， 例如 有生菜，娃娃菜 金針菇，蓮藕， 蘿蔔，粟米………… 隔離仲有醬汁可以自行調配， 個人口味 如果覺得個湯比較淡可以加啲沙茶醬， 變咗沙嗲湯底個湯滾起，先食咗一轉蔬菜， 再淥啲雞肉 同豬肉， 之後飲去啖湯， 再淥去之前預先準備好嘅配料， 有蟹柳, 芋頭貢丸, 芋頭, 豆腐, 蕃茄， 響鈴， 佢仲有個粉麵送埋(米粉/ 寬粉/白飯), 食曬之後， 再夾多轉蔬菜， 真係堅抽飽。 唔好以為就咁完佢仲有häagen-dazs雪糕送畀你， 真係好抵， 全部咁多嘢食加埋都係135蚊， 所以我會畀五星星佢， 大家一定要去試下