Marina

營業中

休息中

早排見到天光道有新店開張，啲花牌擺到成條街咁，好勁咁，就打算搵機會試一試。尋日襯呀女放假就帶埋佢試下。一入到去未算多人，侍應好好，見我帶住個小朋友，俾左張四人枱我，等我方便照顧個女，好多時啲餐廳都只會俾二人枱我同個女打對坐，有時餵個女麻煩啲，但今次呢個服務真係好窩心！可能加上間舖未full house啦！午餐有5個選擇:意粉，意大利飯，all day breakfast 同egg benedict 。呀女想食pancake所以叫個all day breakfast. 入面有炒蛋，脆脆腸，磨菇，沙津同pancake! 份量唔算細，我地一大一細都夠食到飽！可以另外加$20加湯同沙津，但係未加都食到飽所以無加到。餐跟咖啡，茶，果汁，凍飲另外加3蚊，如果想轉其他特色咖啡或飲品就半價，今次想試下佢地咖啡，叫左杯凍齋啡，個人對咖啡都幾有要求，今次呢間滿足到我，本來以為跟餐咖啡應該一般，點知係即brew咖啡，正！我家公主不嬲皇帝脷，連佢都話好味叫我下次再帶佢去食過！小公主好鍾意呢間餐廳，竟然乖乖坐左2個鐘！可以俾我嘆足2個鐘！$61蚊可以舒舒服服食個午餐，街邊茶記都要五十蚊啦！一定要再試下晚餐！