百芳池上便當 (大河道) (已搬遷) 新店位置

今晚落雨濕濕，廢事入街市。返到荃灣去aeon買完超三，就係百芳池上便當買兩個飯回家食。今晚買左台灣鹽酥雞便當+台灣香腸+碳焙烏龍，慢滷豬手便當+台灣香腸+茉香綠茶。台灣鹽酥雞便當：便當有粉絲，菜脯，肉粒，雞蛋半隻，粟米粒，菜同埋鹽酥雞。鹽酥雞香口好味道，雞夠味道肉質唔錯。慢滷豬手便當：便當有粉絲，菜脯，肉粒，雞蛋半隻，粟米粒，菜仲有滷水豬手。滷豬手夠入味又唔會太淋，味道同肉質都唔錯。台灣香腸：口感味道都良好，肉味夠，又香口。碳焙烏龍同茉香綠茶都ok,茶味都夠，唔會太甜。