影片
更多
2022-11-05
180 瀏覽
📍大家都知大埔多嘢食，大埔墟梗係美食集中地。今次行過見到有間新開嘅舖頭，喺外面見到個餐牌都幾平，鋪面乾淨企理又大間，一於去試吓佢！🔻餐牌見到午餐同晚餐嘅價錢都差唔多，around $5X-7X就有得食蛋包飯、意粉、焗飯、扒類等等，選擇都好多，平時喺外面食好貴嘅鰻魚飯喺度都係六十幾，又有啲創意fusion，就好似黑松露蠔仔意大利飯，平時蠔仔粥就常見，但係配意大利飯真係第一次見。🥰尤其特飲嗰度，我哋啱啱先坐低就見到隔籬枱有杯好高嘅沙冰，望落相當吸引！😀🔻👇🏻舖頭環境🔻1. 三重芝士牛脷焗飯（$58）如果鍾意芝士嘅人一定唔可以錯過，雖然平平哋午餐價錢，但係啲芝士多到好似瀑布咁樣，喺個牛脷上面一傾而下。上枱嘅時候熱辣辣，嗰啲醬仲會熱得冒泡，牛脷厚切有口感，而且夠軟熟有牛味，整體唔錯，呢個價錢來講算係冇得彈。🔻2. 鰻魚蛋包飯（$62）平時出旺角或者尖沙咀食嗰啲精緻日式蛋包飯都係細細份，但呢間係茶餐廳嘅份量同價錢，成大碟捧10分過癮，而且鰻魚都唔少，亦厚肉。不過啲蛋似係平時茶餐廳中式嗰種炒蛋，會有啲蔥同鰻魚汁鋪面。食到我對面嗰個食唔晒，都真係抵食！🔻3. 大麥若葉紅豆爆爆珠特調我見到隔籬枱個杯嘢
🔻
餐牌見到午餐同晚餐嘅價錢都差唔多，around $5X-7X就有得食蛋包飯、意粉、焗飯、扒類等等，選擇都好多，平時喺外面食好貴嘅鰻魚飯喺度都係六十幾，又有啲創意fusion，就好似黑松露蠔仔意大利飯，平時蠔仔粥就常見，但係配意大利飯真係第一次見。🥰
尤其特飲嗰度，我哋啱啱先坐低就見到隔籬枱有杯好高嘅沙冰，望落相當吸引！😀
🔻
👇🏻舖頭環境
🔻
1. 三重芝士牛脷焗飯（$58）
如果鍾意芝士嘅人一定唔可以錯過，雖然平平哋午餐價錢，但係啲芝士多到好似瀑布咁樣，喺個牛脷上面一傾而下。
上枱嘅時候熱辣辣，嗰啲醬仲會熱得冒泡，牛脷厚切有口感，而且夠軟熟有牛味，整體唔錯，呢個價錢來講算係冇得彈。
🔻
2. 鰻魚蛋包飯（$62）
平時出旺角或者尖沙咀食嗰啲精緻日式蛋包飯都係細細份，但呢間係茶餐廳嘅份量同價錢，成大碟捧10分過癮，而且鰻魚都唔少，亦厚肉。
不過啲蛋似係平時茶餐廳中式嗰種炒蛋，會有啲蔥同鰻魚汁鋪面。食到我對面嗰個食唔晒，都真係抵食！
🔻
3. 大麥若葉紅豆爆爆珠特調
我見到隔籬枱個杯嘢飲咁吸引，都忍唔住加錢$18去換特飲。抹茶味好濃，絕對唔係一般溝好多水嗰種，而且上面有啲忌廉，溶化入去嘅時候有種軟熟口感，紅豆都唔淨係紅豆，好似出面有層膠包住咁樣，算係幾有巧思。
🔻
4. 蛋糕：朱古力芝士蛋糕、柚子芝士蛋糕、布朗尼蛋糕（$16）
其實係呢個時候都真係幾飽下，但見到出面啲蛋糕幾吸引就嗌咗幾件，每件跟餐加$12。
朱古力蛋糕唔算好甜，好啱成年人嘅口味，而且口感 creamy，少少苦澀黑朱古力🍫
柚子芝士蛋糕比朱古力更加甜，啱晒啲小朋友，而且口感豐富，食落去好似有少少柚子皮，都幾香。
布朗尼蛋糕賣相吸引，用栗子鋪面，鍾意栗子嘅朋友必試
🔻
我哋最後埋單都係$204 ，但係試左三款蛋糕兩款特飲，呢個價錢真係買少見少，而且仲係晚餐！所以大家行開行埋大埔都可以嚟試吓，糧尾恩物！😆
張貼
