新記煲仔雞粥 (已結業)

天氣凍一凍，當然想周圍搵雞粥去暖一暖！咁岩經過元朗就見到平民小店「新記煲仔雞粥」！大大個招牌一定唔會睇唔到，仲有不同既特色小食推介張貼晒出黎，一眼記睇到有咩想食！酥炸魷魚鬚（$55）必食既小食推介一定要點魷魚鬚，香脆金黃既酥炸外皮，一啲都唔會咬落去成口都係厚粉，加埋啖啖肉既厚料魷魚鬚，味道一流又十分有口感！豉油王炒麵（$27）大大份既炒面真係成座山咁高，份量簡直可以滿足二人前，麵條乾身又入味，足料又抵食，加埋甜辣醬簡直係配搭雞粥既好選擇！價錢亦都係十分抵食！七喜龍眼冰（$23）當然唔小得叫番杯野飲去配合呢個咁豐富既午餐，平時飲龍眼冰都係白色加一粒大龍眼，今次就唔同喇，估唔到龍眼冰係綠色嘅飲落去味道唔會太甜，最重要有三粒龍眼夠晒足料！食物既種類都好多，不論炒粉麵飯，點心雞粥，小菜小食都一應俱全！價錢仲十分惠吸引，一個人食到飽晒出門口都係一百蚊左右，但係已經食緊二人份量，記得搵多啲朋友一齊去食，咁記可以試多幾個必食推介！