影片
更多
2017-08-06
1257 瀏覽
蠔站O S Plus🇭🇰🐚愛爾蘭Harty Oysters生蠔真係一樣好難抵抗嘅美食，但要喺香港食到平靚正嘅生蠔就唔係一件易事～ 聽朋友介紹荃灣有一間新開嘅餐廳做緊$10隻指定品種生蠔嘅推廣，當然就梗係唔執輸入嚟荃灣試下佢！生蠔嘅size都算唔錯，有成半個手掌咁大，睇落亦都十分新鮮～食落非常爽甜，海水味偏重但完全冇影響生蠔嘅味道，而且因為好新鮮，即使唔落任何醬料亦唔會有任何腥味。🇭🇰🐚咖哩雞配白飯 & 醬燒金沙骨配薯角Set Lunch配蒜蓉包、餐湯、小甜點同埋餐飲，先講蒜蓉包，味道其實唔錯，但似乎因為唔係即焗即上，擺到涼左所以冇咗香脆嘅口感；今次嘅餐湯係西蘭花青豆忌廉湯，味道幾特別，不過麻麻青豆嘅朋友就應該未必會鍾意；主食先講咖哩雞飯，咖哩水準一般，建議可以加返多少香料同減少油量，同埋一定要加薯仔加薯仔加薯仔（好重要所以要講3次！），不過值得一讚嘅係啲雞幾滑，唔會食到「痴牙」；另外一個主食係醬燒金沙骨配薯角，整體味道合格，但係個醬就唔係好夠味，肉質有點偏韌，另外沙律配菜切得有點太碎，醬汁亦非常有「創意」用咗日式芝麻醬，配搭有點奇怪，不過薯角就炸得唔錯；小甜點係雪糕泡芙，應該都只係入貨
🇭🇰🐚
愛爾蘭Harty Oysters
52 瀏覽
0 讚好
0 留言
生蠔真係一樣好難抵抗嘅美食，但要喺香港食到平靚正嘅生蠔就唔係一件易事～ 聽朋友介紹荃灣有一間新開嘅餐廳做緊$10隻指定品種生蠔嘅推廣，當然就梗係唔執輸入嚟荃灣試下佢！生蠔嘅size都算唔錯，有成半個手掌咁大，睇落亦都十分新鮮～食落非常爽甜，海水味偏重但完全冇影響生蠔嘅味道，而且因為好新鮮，即使唔落任何醬料亦唔會有任何腥味。
🇭🇰🐚
咖哩雞配白飯 & 醬燒金沙骨配薯角
42 瀏覽
1 讚好
0 留言
41 瀏覽
0 讚好
0 留言
48 瀏覽
0 讚好
0 留言
Set Lunch配蒜蓉包、餐湯、小甜點同埋餐飲，先講蒜蓉包，味道其實唔錯，但似乎因為唔係即焗即上，擺到涼左所以冇咗香脆嘅口感；今次嘅餐湯係西蘭花青豆忌廉湯，味道幾特別，不過麻麻青豆嘅朋友就應該未必會鍾意；主食先講咖哩雞飯，咖哩水準一般，建議可以加返多少香料同減少油量，同埋一定要加薯仔加薯仔加薯仔（好重要所以要講3次！），不過值得一讚嘅係啲雞幾滑，唔會食到「痴牙」；另外一個主食係醬燒金沙骨配薯角，整體味道合格，但係個醬就唔係好夠味，肉質有點偏韌，另外沙律配菜切得有點太碎，醬汁亦非常有「創意」用咗日式芝麻醬，配搭有點奇怪，不過薯角就炸得唔錯；小甜點係雪糕泡芙，應該都只係入貨所以唔多講；最後嘅餐飲就有點小失誤，但係少甜嘅凍檸茶變左超甜、正常嘅凍咖啡變左冇糖咖啡，建議落單時候可以小心一點就唔會搞錯～
🇭🇰🐚
整體而言，食物嘅味道其實唔錯，但擺碟同埋上菜時間都係需要注意嘅事情，小編認為既然係西餐廳就唔好做到有一種茶餐廳嘅感覺。
P.s. 除左做緊$10隻生蠔嘅優惠之外，埋單嘅時候先發現原來依家仲做緊Lunch Set買一送一優惠，價錢真係抵到爛啊！！
🇭🇰🐚
價錢：
Lunch Set D 咖哩雞配白飯 $78 (Free)
Lunch Set F 醬燒金沙骨配薯角 $88
愛爾蘭Harty Oysters 特價 $10/pc
🇭🇰🐚
荃灣荃新天地一期上層地下UG41號舖
🇭🇰🐚
整體 ★★★★
食物 ★★★★
環境 ★★★★
服務 ★★★☆
價錢 ★★★★★
🇭🇰🐚




張貼
