趣意廚 (友成大樓) (已結業)

今日喺樓下搵吓有咩好食，我見到一間Pizza舖，都想試好耐🤣今日就去試吓啦入到去就見到都係啲正常嘅Pizza，一般出邊都會見到嘅口味，三個人就叫左一個九吋，一個六吋嘅Pizza，一個就辣肉腸味，一個就係千島醬先講佢嘅Pizza底，係我最唔鍾意嘅厚批☹️食到好似麵包舖啲麵包Pizza咁，千島醬呢啲口味就冇乜好講，正正常常；而個辣肉腸，佢嗰個辣肉腸似係司華力腸嘅口感🙄仲要一拎起塊pizza，上面啲芝士切唔開，成個面啲料都扯晒出嚟🥲賣相好唔美觀😶但係喺呢個地區呢個價錢，講真唔好抱有太大期望。然後仲嗌咗個菠菜龍脷柳焗飯，同埋芝士炸雞。菠菜龍脷柳焗飯，啲龍脷柳得三四舊，佢仲要係白飯底😓唔建議大家去試焗飯；但係出奇地，佢個芝士炸雞炸得好嫩滑，呢個係超級加分為🥰係Juicy嘅，而個芝士粉出奇地濃味得黎又唔係好鹹，我個人就幾推薦🤪我哋仲話下次如果嚟食，淨係食炸雞好啦😅總括來講，呢啲小店係有一啲細微嘅位值得推介，但係啲大路嘢就一般般🤷🏻‍♀️