標記樂園潮州粉麵餐廳

營業中

休息中

深水埗一向出名平民美食多，今日放工之後又特登去到深水埗搵食。行出地鐵站冇耐就見到呢間食潮州粉麵嘅餐廳，睇到啲牛雜就覺得好耐無食牛肚面～一見到價錢超級大眾化，當然要來一試街坊都愛既平民美食～叫咗個五香牛肚撈麵，可以加油菜同埋加牛丸，牛丸最印象深刻，食落好彈牙同爽口！感覺到用料好新鮮五香牛肚都非常之有咬口，比一般既牛雜店入味，難怪見到好多街坊都幫襯～撈麵有配一個湯同埋秘製醬，湯底清甜，唔錯，秘製醬主要係由洋蔥製成，意外地好味呢～朋友點左秘製牛三寶撈麵，朋友食過都覺得個醬好唔錯！話會因為個醬而再返黎食，哈哈。油菜新鮮～加上蠔油就是簡單的美味！另外呢到雖然係傳統茶餐廳，但係環境都算幾乾淨，唔會話好污糟好多油漬咁樣，坐得都舒服。