HELLO Kitchen

營業中

休息中

呢間餐廳都去過幾次，地點喺田心村，位置雖然唔算起眼，但都唔難搵，因為住沙田關係，都知田心有唔少好野食，而呢間西餐廳最吸引嘅地方就係平得嚟好食，份量仲要唔少添。而環境就舖頭細細，不過枱與枱中間都有距離，唔會好迫。今次係第 3次嚟，可能時間尚早 (未夠 7:00pm)，唔駛等位，一入即坐。今次揀之前無食過嘅野﹐樣樣都想食樣樣都好吸引哇~! 最後個個都飽到上心口，我自己覺得最好食嘅係卡邦尼煙肉意粉，比起出面，個汁真係食晒 d意粉都仲會慢慢品嚐，可能我自己鐘意濕濕哋嘅意粉，所以我好鐘意呢個，$50唔駛喎，出面真係比較少見。下次可以再試其他野。