影片
更多
2018-06-14
225 瀏覽
閘蟹 海膽豆腐 番茄加芝士呢款前菜非常之特別，首先左邊望落去係一個炸嘅小閘蟹，食落去唔單止面殼都食得最重要嘅係竟然會有香味，而且好爽脆，味道偏濃。建議食呢款菜由左至右開始食比較好，跟住係海膽豆腐，基本上出面既店，都一定唔會好似呢間店咁樣整呢個海膽豆腐唔單止口感係同豆腐一樣，但同時間佢都會帶出海膽嘅鮮味，甚至會覺得佢呢個海膽豆腐仲好食過真正嘅海膽。最後，番茄加芝士，番芳係選用細細粒既生車厘茄，加埋芝士鹹鹹地又會甜甜地。食完你三道餸，基本上你都會覺得好開胃，甚至乎會為你既味覺帶上不一樣既刺激。清心苑白飯魚清爽又鮮甜加埋少少醬油連埋呢一個嘅姜條一齊黎到去食，食落去唔會好腥，而且個口感既配搭同平時食既白飯魚既感覺好不一樣。刺身拼盆呢度嘅刺身拼盤最值得推介，個魷魚海膽，實在係太好食，首先魷魚包住個海膽非常有咬口，鮮味一湧而上，然而加左一塊好特別既葉，只要一咬到佢，就會帶出海膽既鮮味，味覺會感到清新脫俗。另外，呢到三文魚，係用頸既部分去做，食到咁上下既時候，舌頭既中間位會感受到一種油油又不油膩既口感，係我從來無食過。銀雪魚，食落去亦都好特別，咬落去好似食緊一個肥肥地嘅豬肉咁樣，但同時你又會食到海鮮
閘蟹 海膽豆腐 番茄加芝士
呢款前菜非常之特別，首先左邊望落去係一個炸嘅小閘蟹，食落去唔單止面殼都食得最重要嘅係竟然會有香味，而且好爽脆，味道偏濃。建議食呢款菜由左至右開始食比較好，跟住係海膽豆腐，基本上出面既店，都一定唔會好似呢間店咁樣整呢個海膽豆腐唔單止口感係同豆腐一樣，但同時間佢都會帶出海膽嘅鮮味，甚至會覺得佢呢個海膽豆腐仲好食過真正嘅海膽。最後，番茄加芝士，番芳係選用細細粒既生車厘茄，加埋芝士鹹鹹地又會甜甜地。食完你三道餸，基本上你都會覺得好開胃，甚至乎會為你既味覺帶上不一樣既刺激。
清心苑白飯魚
清爽又鮮甜加埋少少醬油連埋呢一個嘅姜條一齊黎到去食，食落去唔會好腥，而且個口感既配搭同平時食既白飯魚既感覺好不一樣。
刺身拼盆
呢度嘅刺身拼盤最值得推介，個魷魚海膽，實在係太好食，首先魷魚包住個海膽非常有咬口，鮮味一湧而上，然而加左一塊好特別既葉，只要一咬到佢，就會帶出海膽既鮮味，味覺會感到清新脫俗。另外，呢到三文魚，係用頸既部分去做，食到咁上下既時候，舌頭既中間位會感受到一種油油又不油膩既口感，係我從來無食過。銀雪魚，食落去亦都好特別，咬落去好似食緊一個肥肥地嘅豬肉咁樣，但同時你又會食到海鮮嘅鮮味。
廣島生蠔
呢度嘅生蠔，師傅整得非常有心機，首先會有個爐，然後去燒隻生蠔，然後再加清酒去煎煮。過程中，呢隻生蠔煮既時候，唔會縮水之餘，而且吸收左清酒既味，食落又係另一種既體驗。最重要既係，呢間鋪係選用了德國既生蠔，會比出面食店既生蠔特別大。
法國面包+蟹肉
爽脆既法國面包再配上一個蟹肉撈，食落唔但至會覺得呢個少少西式膽中式既配搭好特別，而且中西合壁估唔到係咁夾，而且蟹肉食落去淡淡都係海鮮既味道，而且唔會好腥臭。另外，絕對無添加其他非蟹肉嘅食物落去，而且份量都幾大。
炸豚肉卷
炸豚肉卷裏面唔單止會有豚肉包住一啲蔬菜類嘅植物，食落去爽脆得來又唔會令你感覺好油膩，而且皮脆內軟，不過好可惜既係，如果份量多少少就好。
蟹肉+法國包
拖羅
最後就係呢個拖落，平時你係出面食飯都應該只會食到生既拖羅，另配上紫菜同珍珠醋飯。但呢一度唔單止主張係會用熟既拖羅，去慢慢咁煎，煎到連皮帶肉可以一齊食，焦焦既感覺，更會衝激你既味覺，而且估唔到拖羅既肉煮熟左之後，會咁好食而且好嫩口。
張貼
