杯中物

營業中

休息中

今日咁啱同朋友去開旺角，於是就諗住去旺中掃嘢食，咁杯中物就係我哋每次嚟旺角都必食嘅舖頭，因為勝在夠平份量又唔會太少，性價比算係唔錯。對於學生來講負擔都唔係好大。我同朋友就叫咗串串，蝦餅，炸雙皮奶。串串就有四隻味可以揀，同埋可以揀火雞臂，我哋嗌咗炭燒同埋沙嗲味嘅串串同火雞臂，味道唔可以話非常好食，算係正常水準，但係$20有六串都算平所以味道上都唔會要求太多，都值得一試嘅。蝦餅就味道都唔錯，啲蝦都幾多下，又送薯條其實幾抵食！炸雙皮奶就$10，2舊，價錢一般啦但係食落去幾好食外脆內軟，我本身會以為個味道會好奇怪但食落去又真係幾好食，算係意料外嘅美食。總括來講杯中物啲嘢食係又平又抵食，雖然話水準唔算係特別高，但係勝在夠平又係黃店。