鳥海山鐵板燒 (已搬遷) 新店位置

長沙灣各類餐飲都有，唯獨未有鐵板燒，最近發現終於開左啦！而且聽人講都有唔錯既評價，今日同朋友黎一試!主要有四款鐵板套餐，龍蝦好似太豐富，都係揀左大蝦餐就算🤣普通柚子醋沙律，酸酸涼涼，清新開胃!煎銀雪魚煎得夠香脆，質感外脆內嫩多汁，無魚腥味，味道唔錯安格斯牛肉粒牛粒份量都算多，而且大大粒，香軟有口感又多汁，加蒜片一齊食一流!鐵板大蝦鐵板煎出黎蝦味好香! 而且蝦頭有膏有肉，超鮮甜。蝦肉夠爽口，可惜同朋友每人分得一隻蝦唔夠喉😁食鐵板燒通常都會跟個炒飯粒粒分明，每一啖都食到蔥花、蛋同蝦米，夠香口!炒椰菜同麵豉湯不過不失，餐廳每款食物都安排得恰到好處，唔會太多或太少，水準幾好