臺坊

營業中

休息中

今日喺太和買完野，發覺有間新嘅台灣餐廳，原來係我之前喺尖沙咀食過個間，記得都唔錯，佢呢間門面比尖沙咀嗰間大好多，入邊都好多人！我叫咗佢最出名嘅鹽酥雞伴麵，佢啲鹽酥雞粒都幾好食，因為入邊嘅肉都幾多，炸粉少，口感幾好！不過佢嘅肉燥真係幾油，自己健康啲就片走啲油啦！佢個面都好爽，條條分明唔會話黐埋一舊！佢個椒鹽豆腐比我想像中整得好食好多，因為佢入邊嘅豆腐真係好嫩滑，喺個口入邊真係會朗下朗下咁樣，而佢出面嘅豆腐皮都整得好趣，而且再加上椒鹽，好惹味～最後跟餐嗌咗杯百香果綠茶，我叫咗少甜甜到啱啱好，佢入邊嘅百香果味好濃，雖然冇真嘅百香果核，但係配埋綠茶幾清幽，又有酸酸甜甜嘅感覺！仲有下午茶都幾抵食