臺坊

營業中

休息中

今晚同2位老人家去左呢間食飯。成個過程都無乜大問題。跟住其中一位老人家飲杯飲品既時候一個唔小心倒瀉左。成身成台成地都係。眼前有2位小哥哥侍應。眼光光咁望住。乜野動作都無。然後慢慢行走。其中一位。拎左個地拖出黎。第二個就咁行過。我出聲問有無布可以抹下。先行去拎布過黎。我再問有無紙巾。唔知係我太細聲定係佢耳仔唔靈敏呢。完全無反應。2位老人家就係自己袋拎紙巾出黎抹。但係呢間餐廳係一張紙巾都無比過我地。我明白我地自己倒瀉係我地唔岩。但係基本比幾張紙巾個客抹下身。唔過份吧？無可能再有一次

朋友叫了牛肉蓋飯，送上來的見到有牛肉有飯就食啦。食咗幾啖，送餐的年青男職員返轉頭睇下我哋張單，但我哋野食到齊，心諗咁奇睇乜呢。後來餐廳大姐過來，同朋友講：同事送錯餐，呢個飯有肉燥，你啱唔啱食？你以為佢下一句係想講唔好意思送錯咗？錯了！佢係話：啱食就加番$6肉燥錢！！！我哋呆咗一秒。我就問：即係如果我哋話唔啱食，你哋會以更高成本全碟飯換咗？阿姐的答案係：我哋會撥走啲肉燥。咁我哋就答：撥啦！附上撥走肉燥換咗白飯既相片，個碟吉咗既位就係原本肉燥飯既位置，撥唔哂架，仲有少少，朋友堆番出來拍個靚照咋。個人意見同事送錯唔係客既責任，咪算囉。就算你要問，就全句講：同事送錯咗，按公司規矩要收差價。阿姐呢個問人啱唔啱食既講法真係新奇。呢間冇下次。

星期六嘅大埔原來咁多人，午飯🥣時間周圍都無位，見到太和商場呢間臺坊，好多地道台灣小食都有。今次就試咗佢嘅下午茶。叫左手撕雞肉燥飯，手撕雞好凍，好似冰箱拎出來咁，肉燥就好味，飯粒就好咬口，性價比ok!檸檬愛玉綠茶真係好甜，好彩肯換過杯少甜，抵讚！粟米沙律蛋餅個皮好食，份量都好大，女仔應該食唔曬！最好食係個梅子地瓜條，炸起就上，食到停唔到！總括不過不失，可以一試！

今晚去呢間餐廳食飯 其實都唔係第一次去食 但每一次d牛肉蓋飯 既牛肉都係好韌 之前去食 都係只係幾舊係咁 。今晚去食簡直係離譜 完全無一舊肉係咬得開 ，都算啦 員工態度 差到極點 仲要係個經理 扎辮女人 。一時要限制我邊到坐得 邊到又唔坐得 。大佬丫我呢家係消費者 連坐邊個位都要限制？ 個飯 完全食唔到 我叫退錢 佢話唔退 大佬我成個飯吐番出黎 一舊牛肉都無食過 就要比60 蚊 ， 佢仲要話今日無人投訴 。我想問佢之前有冇人投訴關我什麼事？ 我呢家就投訴 。你唔去正視問題？ 真係唔好講丫 你咁既服務態度 我完全食完之後都唔會想回頭 先唔好食物 你咁既態度 你番屋企啦

Lunch Set$60包飲品☺️呢個炸豬扒真係炸得好香脆，每一口咬落去都可以聽到脆脆嘅聲音。豬扒嘅肉質鮮嫩多汁，外層炸得金黃酥脆，同豬扒配搭得完美🍛🐷百香果綠茶呢杯飲品真係夠清涼解渴🌹綠茶嘅清香同百香果嘅酸甜完美結合，令整杯飲品更加爽🍹🍃🍊

餐牌上標明話「洛神山楂茶——8$」結果單打出來係26$，搵員工問話單點係26蚊，應該落單前要先資訊她，我覺得莫名其妙，我作為一個消費者我首先是作餐牌為價格參考，如果有其他例外消費那是否落單前應該告知給我這個消費者呢？ 員工也沒有提醒，冷漠的走咗……而且有D職員態度唔係幾好……叫咗幾聲都冇理，並且那時候不是繁忙時間

黎食下午茶，揾員工落單，叫咗檸檬愛玉走甜，點知個員工冇幫我地落，同反佢哋講，佢哋竟然係質疑我哋冇同佢地講，超級唔耐煩同唔情願先很換俾我地，仲要發出’超’一聲，事後負責落單嘅同事已經承認係佢冇落到單，但發出’超’一聲個個人，竟然仲覺得自己冇任何問題。

員工態度差，我們到達餐廳門外，已有員工示意我們內進，但突然被另一位員工用很差的態度叫停，示意我們要撳飛，但當時沒有任何客人在等待進入餐廳，而我們撳飛後，馬上就到我們，而餐廳還有很多空位，根本不需要客人故意走出來撳飛。員工在處理客人進入餐廳時，情況混亂，並態度不友善。希望員工能好好溝通，避免讓客人覺得尷尬和不被尊重。

客人省經常介紹呢間台式餐廳收工試一試輪候時間人流控制很好也有很多人買外賣試左佢地既台灣牛肉麵好味、有台灣風味分量大約係中等不太多，適合晚餐享用，不會太飽、太肥 台式奶茶好味，但不太濃，沒有影響睡眠

吃貨 𝓑𝓮𝓵𝓵𝓪 x 台灣美食❤️好味推介❣️Bella自己一個食晒碟肉燥飯呀🤭🤭 上星期我地遠征大埔🤪 去完大埔玩就搵地方醫醫肚😛 去到太和廣場時就見到有台灣野食「臺坊」😋 媽咪好鍾意食台式野, 就即刻要試試佢啦🤪 野食好抵食又好食😋 仲有多款飲品同甜品👍🏻⭐️超級推介⭐️鹽酥雞肉燥飯💕 Bella😍花雕雞翼藥膳米線* BellaNana爸😍芝士肉鬆蛋餅 *BellaNana爸😍小食海苔魷魚絲🍽️ *大家都😍海苔味好重🤭好好食下次再去食🫶🏻

一到午市就大排長龍….唔早少少嚟都要排返半個鐘.係太和廣場數一數二嘅學生食堂（因為好多學生係度食）食物質素性價比高，尤其是份量夠足唯一唔好嘅就係啲服務員，可能細個冇什麼工作經驗，好多時候食客要求嘅嘢佢哋都跟唔到…

新開的台灣菜，差唔多1點去到，不用等位，入面環境都OK食物款式黎講都算多既，但係小食就少啲，野飲選擇都多Order了一個牛肉面＋鹽酥雞伴面＋芝士肉鬆蛋餅，另外加$12鐵觀音牛奶綠跟住上菜，發現啲面質有啲似米線咁，可能佢呢間既牛肉面係咁，而我就唔太喜歡伴面亦都一樣，似米線撈肉燥咁，而佢既鹽酥雞唔夠味，似普通炸雞牛肉正常，湯亦都正常既蛋餅就太厚，食落好膩杯野飲就唔太掂，完全係一杯白色既奶水，無茶香，飲落又唔係好牛奶，似溝水飲左幾啖頂唔順價錢同質素黎講，個人認為唔太合理

很少喺太和廣場食嘢，難得平日有時間，同小朋友去咗呢間台式餐廳坐低食個Tea。下午三點幾人唔多，侍應叫我隨便搵位坐低。呢個時間可以揀午餐或下午茶。我因為太肚餓，叫了午餐紅燒牛肉麵，包一杯飲品。我加錢選了錫蘭伯爵牛奶茶。牛肉麵比我想像中大碗，而味道唔錯，牛肉很嫩滑。牛奶茶有伯爵茶香味，因我要求少甜，味道會淡一啲，但我覺得唔錯。小朋友揀咗一個下午茶餐，蒜香岩漿煙肉蛋餅及芒果牛奶。蛋餅份量幾大，小朋友食唔晒要打包。但佢好鍾意食，好香口味道濃。芒果牛奶較甜，都有芒果味，佢好喜歡。

今日難得出嚟太和做野，中午梗係要食返餐好架啦！行入太和廣場嘅頭幾秒，已經見到呢一間台式餐廳，雖然佢門面唔吸引，門口亦好細，但都無阻我地食呢間嘅決心！主因係佢有冷麵同拌麵供應，唔係淨得飯同湯麵~入到去發現餐廳比想像中大，餐廳設計以木紋磚做主調，呢樣亦係一貫台式餐廳嘅風格，俾人一種質樸、家常嘅感覺。之後，我地一行五人都揀左唔同嘅野食，有拌麵、冷麵同肉燥飯，配料不外乎炸豬扒同鹽酥雞呢類港人熱愛嘅食物。而我個人選擇左麻辣手撕雞冷麵($59)，麵食一嚟到嘅時候，佢個賣相即刻吸引住我，因為色彩鮮艷且分明，配菜嘅份量同擺盤亦恰如其分，好似一幅圖畫咁。味道方面，手撕雞有驚喜，佢係好正宗果隻麻辣微辣，好啱我胃口，所以我幾乎係愈食愈起勁 xdd 餐飲方面，佢本身係包一杯茶飲，但因為我每次去台式餐廳都會想飲珍珠奶茶，所以最後都加左$5 升級一杯珍珠奶茶，味道出色，拍得住街上嘅茶飲專門店。總括而言，$64可以食到一餐咁出色嘅台式午餐，真心覺得抵！

又係唔願煮飯嘅晚上，就諗住用外賣平台嗌附近餐廳嘅野食，近排都無乜食過台式，就揀左臺坊。鹽酥雞肉燥飯份量好足，飯面一半係雞，另一半有肉燥。鹽酥雞調味偏鹹，但保持到香脆算係唔錯，肉燥肥瘦都均勻，又有菜莆粒，加埋溏心蛋，送飯一流。仲有飯量都十分多，唔怕唔夠飽。特級牛肉燥飯都類同，只係換左做日式牛肉，甜甜鹹鹹嘅肥牛都係好好嘅下飯菜。伴菜係涼伴木耳、芽菜、手拍青瓜。認真黎講就唔算好入味，但成盒肉嘅飯有啲蔬菜清一清味蕾都係好事。凍百香果綠茶同凍檸檬紅茶唔會好甜，同埋本身係無冰但夠晒凍，十分欣賞。