影片
更多
2018-02-13
175 瀏覽
呢日去到深水埗黃金商場附近，陪男朋友睇玩具， 行咗成個晏晝，深水埗都幾多嘢食，但可惜好多餐廳都比較逼狹， 坐得唔係算太舒服咁。 男朋友話 有啲想食西餐，於是我哋試下呢間馬德里餐廳。一入到去都唔算太迫，坐得幾舒服又靜靜地，非常適合傾計。menu都算幾多選擇，不過我同男朋友都想鋸扒，由於我哋都係食肉獸，於是就揀咗一人一個牛扒。 我叫嘅係西冷牛扒配香煎墨魚仔，而男朋友就想食熱辣辣咋咋聲嘅鐵板餐，叫咗個 黑椒汁肉眼扒配香炸墨魚餅。。侍應送上咗兩個嘅餐包， 同坊間有啲唔同，呢間馬德里採用嘅係牛角包，摸上手都熱辣辣，非常鬆軟。我哋分別買左一紅一白兩個餐湯， 白湯係粟米蘑菇忌廉湯飲落都算creamy， 同埋都幾足料，有唔少打碎咗嘅粟米同埋蘑菇，都幾香。而男朋友呢一碗紅湯就非常之多蔬菜， 而且啲菜都好甜，加埋蕃茄湯酸酸甜甜，非常醒胃暖身。牛角包一口落去就充滿牛油香味，鹹鹹香香，可以見到係非常鬆軟，入面好多bubbles，點埋落湯嗰度，就好似海綿咁吸曬啲湯，非常索湯，好好食唷。每次一食鐵板餐嘅時候，最期待就係侍應淋汁嘅畫面，不過總要拎張餐巾擋擋佢，如果唔係就成身都會充滿呢個鐵板嘅味道，又或者會畀啲汁彈到
呢日去到深水埗黃金商場附近，陪男朋友睇玩具， 行咗成個晏晝，深水埗都幾多嘢食，但可惜好多餐廳都比較逼狹， 坐得唔係算太舒服咁。 男朋友話 有啲想食西餐，於是我哋試下呢間馬德里餐廳。
一入到去都唔算太迫，坐得幾舒服又靜靜地，非常適合傾計。
menu都算幾多選擇，不過我同男朋友都想鋸扒，由於我哋都係食肉獸，於是就揀咗一人一個牛扒。
我叫嘅係西冷牛扒配香煎墨魚仔，而男朋友就想食熱辣辣咋咋聲嘅鐵板餐，叫咗個 黑椒汁肉眼扒配香炸墨魚餅。
。侍應送上咗兩個嘅餐包， 同坊間有啲唔同，呢間馬德里採用嘅係牛角包，摸上手都熱辣辣，非常鬆軟。
我哋分別買左一紅一白兩個餐湯， 白湯係粟米蘑菇忌廉湯飲落都算creamy， 同埋都幾足料，有唔少打碎咗嘅粟米同埋蘑菇，都幾香。
而男朋友呢一碗紅湯就非常之多蔬菜， 而且啲菜都好甜，加埋蕃茄湯酸酸甜甜，非常醒胃暖身。
牛角包一口落去就充滿牛油香味，鹹鹹香香，可以見到係非常鬆軟，入面好多bubbles，點埋落湯嗰度，就好似海綿咁吸曬啲湯，非常索湯，好好食唷。
每次一食鐵板餐嘅時候，最期待就係侍應淋汁嘅畫面，不過總要拎張餐巾擋擋佢，如果唔係就成身都會充滿呢個鐵板嘅味道，又或者會畀啲汁彈到。
睇得出塊鐵板燒到火熱火熱，侍應一淋啲黑椒汁落去嘅時候， 啲汁就熱到咋咋聲咁起曬泡泡，而且成個area都係好香嘅鐵板味， 同埋煙霧瀰漫。
塊肉眼扒都幾大塊， 肉質都唔錯幾嫩滑，又易入口，加上黑椒汁好夠味，連埋啲牛扒同埋薯菜食，一流啊。 加上底下鋪滿脆脆既薯條，吸滿黑椒汁既味道，脆得嚟又充滿黑椒味。
而我嗌嘅九安士西冷扒， 表面煎得非常香脆，同埋都好大塊，而且有切得都幾厚身，食落好有肉味好香。
可以睇得出係煎得粉嫩粉嫩嘅粉紅色， 每一啖食落去都係肉汁。 同埋我最欣賞係呢個田螺汁， 比較特別食落有啲似磨菇汁mix 蒜蓉汁， 出面比較少見。
至於配菜方面，除左有薯條，亦都有一啲bb蘿蔔仔同翠玉瓜，呢個bb蘿蔔仔好細粒好qq，成粒豆咁，平時一般我都唔會食呢啲烚嘅配菜，但今日食咗一粒蘿蔔仔，嘩超甜， 令我對蘿蔔嘅印像大大改觀。
百零蚊位呢個價錢食到唔錯質素嘅牛扒，非常ok。
ps：埋單嘅時候見到隔離枱叫嘅豬手同埋羊架都好正，豬手非常大隻，我諗我下次都會試下。
張貼
