馬德里餐廳

營業中

休息中

**馬德里西餐廳——深水埗的隱藏瑰寶** 位於深水埗的「馬德里西餐廳」以親民價格提供高質西餐，今次品嚐的套餐只需**$99**，即能享受豐富組合： **前菜**是熱烘烘的**細餐包**，外脆內軟；**羅宋湯**酸甜開胃，蔬菜熬煮入味。主菜**黑松露野菌煙三文魚意粉**驚喜十足——忌廉醬汁濃郁不膩，黑松露香氣撲鼻，煙三文魚鹹香提鮮，野菌增添口感，意粉彈牙有嚼勁。搭配冰涼**凍檸茶**，清爽解膩。 餐廳環境簡潔，服務親切，$99的性價比極高，難怪成為街坊與學生族的心水之選。想以平民價嚐西式風味，「馬德里」絕對值得一試！ 📍 **地址**：深水埗福榮街120號-122號地舖 💵 **人均消費**：$99-$198

今次晚餐去咗深水埗老牌西餐廳「馬德里餐廳」歎餐港式西餐，間鋪好有懷舊Feel，裝修樸實，啲坐位闊落舒服，真係好適合一家大細或者朋友聚餐。我哋點咗鐵板鵝肝牛柳做主角，呢個真係有驚喜，牛柳煎到外層香口，入面保持到嫩滑唔鞋口，鵝肝厚切唔油膩，入口即化，超正！我仲加咗蒜蓉一齊食，香味即刻Level Up，啲汁撈埋白飯或者意粉一定掂晒。另一道主菜係焗白汁海鮮飯，夠焗得香脆，面層有薄薄一層芝士，唔會太漏，入面海鮮份量唔吝嗇，有蝦有青口有魷魚，白汁唔膩，係啱啱好咁Creamy，撈飯一流。餐前前菜係雜菜沙律，雖然唔算特別，但勝在新鮮爽口，作為開胃菜都算合格。飲品方面我點咗大檸檬可樂，幾有氣又唔會死甜，朋友嗌咗凍檸水走甜，啱晒夏天飲，清新解膩。最後送嘅甜品係啫喱，傳統款，冇咩特別，不過幫個口腔清一清味都OK。總結嚟講，馬德里餐廳價錢親民，食物質素有番咁上下，尤其鵝肝牛柳真心推介，啱晒鐘意食港式鐵板餐嘅朋友，有機會都會再嚟試吓其他嘢食！

位於鬧市一角的馬德里餐廳，雖然以西班牙為名，卻以多國菜式為賣點，吸引不少饕客前來一試。近日有幸到訪，品嚐了三道招牌菜：日式燒鰻魚配滑蛋蓋飯、牛扒配薯菜，以及乾炒牛河。 日式燒鰻魚配滑蛋蓋飯這道菜將日式風味演繹得淋漓盡致。鰻魚燒得外脆內嫩，醬汁甜鹹適中，滲入米飯後香氣四溢。滑蛋如雲般輕柔，包裹著鰻魚和飯粒，每一口都帶來濃郁的滿足感。唯一小瑕疵是鰻魚份量稍少，若能再多一兩片，定能更過癮。整體而言，這道蓋飯是日式料理愛好者的必點之選。 牛扒配薯菜牛扒選用中上等部位，煎至五成熟，肉質軟嫩多汁，帶有淡淡炭香。搭配的黑椒汁濃而不膩，與牛肉相得益彰。薯菜方面，薯仔烤得金黃鬆軟，配以新鮮蘆筍和紅蘿蔔，口感豐富。不過，蔬菜略為過熟，稍影響清爽口感。若能更注重火候，這道菜定能更上一層樓。乾炒牛河作為港式經典，乾炒牛河是馬德里餐廳的驚喜之作。河粉炒得乾身爽滑，鑊氣十足，牛肉片薄而嫩，吸收了豆芽和蔥段的清香。醬油調味恰到好處，不會過鹹，令人一口接一口。唯一建議是可稍微增加牛肉份量，讓整體味道更平衡。這道菜絕對是港式風味的代表作，值得一試。馬德里餐廳以多元菜式帶來驚喜，三道菜各有特色，尤以日式燒鰻魚蓋飯和乾炒牛

我星期一去咗長沙灣一間西餐餐廳，試咗佢哋嘅下午茶餐，叫咗個鮮茄焗豬扒飯，仲有一杯凍檸樂。首先，呢間西餐餐廳嘅環境幾舒適，裝修風格簡約而時尚，燈光柔和，非常適合下午茶。店內嘅座位安排唔算擠迫，坐喺度可以好放鬆，唔會急促。服務員態度都幾友善，落單時都好有耐性，令我感覺到受歡迎。### 鮮茄焗豬扒飯講返餐點，鮮茄焗豬扒飯真係一個驚喜。豬扒煮得剛好，外脆內嫩，肉質非常鮮嫩，咬落去有種滿足感。最特別嘅係上面嘅焗汁，鮮茄味道濃郁，帶少少酸味，正好中和咗豬扒嘅油膩感，食落去非常開胃。米飯方面，煮得幾好，粒粒分明，吸收咗焗汁嘅味道，食起來味道更加豐富。配菜方面有少量嘅青菜，增添咗色彩同清新感，整體呈現得幾好。至於凍檸樂，飲落去非常清爽，檸檬味道清新，唔會太甜，正好可以中和豬扒飯嘅油膩感。飲完之後，口腔都感覺好清新，幫助消化，真係一個好搭配。

平日去到深水埗都經過呢間餐廳都幾大間下今日去買電腦又嚟到呢區就入嚟睇吓啲嘢得唔得餐牌設計得清晰，下午茶餐都多選擇嘅叫咗個鐵板煎羊架加白飯配左黑椒汁可以自己落汁 有自己撳核彈嘅感覺 「炸～～～！」瑞士汁雞翼色水好夠 我見餐牌以為佢係薯條沙律二揀一原來係薯條同沙律都有店家都大方嘅不過個瑞士汁雞翼，味道似滷水汁多啲如果佢甜啲就好了白汁碎蛋沙律係細個麵包店嘅童年回憶原來叫呢個又有沙律🤣點解咁多沙律營養咁均衡？🤣至於個肥牛喇沙湯金邊粉足料嘅肥牛片、炸魚角、豆卜俾得多嘅個面食極都食唔晒🤣好似會自行繁殖咁🤣整體嚟講 份量好足適合大胃人士

一直鍾情馬德里呢類鐵板西餐廳，好有香港經典地道嘅感覺鐵板煎羊架配薯條 - 足足4大件羊架，味道香濃，肉質軟腍，配黑椒汁經典好味，啖啖肉勁滿足，薯菜脆卜卜熱辣辣，加配嘅意粉有咬口日式燒鰻魚配香滑蛋蓋飯 - 大大條鰻魚，滿滿嘅鰻魚滑，炒蛋又大份又香滑，白飯粒粒分明，拌碟嘅沙律菜好新鮮焗芝士菠蘿肉醬意粉 - 滿滿嘅芝士拉晒絲勁邪惡，啖啖意粉都食到滿滿嘅肉醬，味道濃而不膩，菠蘿酸酸甜甜咁勁夾勁開胃凍檸茶茶底夠晒濃，檸檬片好足料，醒神開胃紅湯白湯都好夠香濃，濃稠程度啱啱好店面好乾淨好闊落好好坐，服務好親切，味道唔錯，份量十足，絕對係深水埗抵食之選

今日同老婆去到深水埗食早餐， 見到呢間開咗好多年嘅餐廳， 諗住簡簡單單食早餐但係非常有驚喜🥰🥰我叫咗一個沙爹牛肉麵再配餐蛋牛角包， 太太就叫咗個 沙律蛋牛角包再配 雪菜肉絲米😊😊沙律蛋牛角包超有驚喜😋😋 又脆口 又有牛油香， 沙律蛋溝埋一齊 外脆內軟😍😍 好似麵包舖買嘅一樣好味， 牛角包再配好多沙律， 雪菜米粉都好高質😚😚沙爹牛肉麵就幾好食，😋😋細件嘅牛角包都幾好食我覺得呢間餐廳都好有誠意， 好少食到早餐有咁高質， 最值得一讚係所有員工服務態度都好好 所以下次都會再食🤩🤩

能夠在食肆林立的深水埗深受大家的歡迎，這間平民鐵板餐廳果然不簡單！### 鐵板日式鰻魚拼雞扒薯菜店員現場淋上特製的黑椒汁，瞬間在鐵板上沸騰冒出熱氣，香氣四溢伴隨著滋滋聲，最上邊是日式鰻魚，味道醇厚！第二層是好大一塊雞扒，口感也是好香嫩！### 燒肉汁煙鴨胸意粉煙鴨胸肉質細膩，散發著迷人的煙燻香氣，搭配上自製的燒肉汁，濃郁的肉汁在口腔中四溢，撈左燒肉汁的意粉味道也相當與眾不同，独特的風味讓人陶醉！### 卡邦尼炸蝦意粉份量很大，是別的餐廳意粉的兩倍多，兩條長長的炸蝦好誘人，外皮酥脆而內裡鮮嫩，意粉加了卡邦尼醬汁後，濃稠而又滑順，無與倫比的美味！### 薯蓉焗田螺香滑薯蓉上是田螺肉保留了海洋的鮮甜，肉質緊實且富有彈性！羅宋湯好開胃，還有甜品芒果果凍送，真是好sweet!

今日黎平民美食區深水埗揾野食，見到呢間餐廳人山人海，望下原來係食鐵板餐咁多人食應該點都唔會中伏一於試下佢鐵板餐係主打，牛扒有4款，仲有一款好特別就係佢竟然有鐵板和牛漢堡扒配飯今次先試懷舊鐵板西冷牛扒配薯菜，點完餐好快上左餐湯同牛油麵包餐湯我地都係中意羅宋湯，呢款羅宋湯有少少辣啦，但飲落好開胃，而且用料好足，天氣凍凍地好岩飲麵包不過不失，正常發揮主角出場，好大塊好厚既牛扒呀，牛扒我地揀左七成熟一睇就知好嫩滑，鐵板餐有兩款醬汁，燒汁同黑椒汁，我哋揀咗燒汁，配合西冷牛扒更juicy牛扒份量真係超大份，我地兩個人點一份鐵板餐一份焗飯，食唔晒仲要飽到上心口兩個餐夠三個人食到飽，真心抵食夾大件焗飯我哋揀咗鮮茄芝士焗豬扒飯，保守估計有兩大碗飯，豬扒切開有五大件，最正係佢落咗超級多芝士同鮮茄汁，配飯一流豬扒唔似一般餐廳落咗勁多調味料醃到死咸飯有炒蛋，用料好有誠意沙律係正常水準，不過一般食牛扒都好少有咁大碟沙律，老闆真係有心吸客做好餐廳飲品叫左菜蜜，飲落同茶餐廳唔同，唔係一般落好多糖得個甜字既菜蜜，有一陣自然甜味最後要讚吓個甜品真係有誠意，啫喱入面加咗水果肉，呢啲細微位啲真係好加分唔怪得之餐廳咁多人幫襯

🧋凍奶茶。呢杯飲品色澤金黃透亮，睇到就有飲嘅欲望。奶香濃郁，同茶香完美融合，飲一口，清新嘅口感瞬間喺口腔中散開。加咗冰塊，整杯飲品更加清爽，適合炎熱天氣享用。呢杯凍奶茶不止可以解渴，仲係餐前或餐後嘅好選擇。🥢雞扒喇沙湯金邊粉。呢道菜以獨特嘅泰式喇沙湯底著稱，湯頭呈現出誘人嘅紅色，散發香料嘅濃郁氣息。金邊粉口感滑順，掛哂湯汁嘅精華，每一啖都充滿味道，而且份量仲要好多。雞扒經過精心烹調，外脆內嫩，搭配濃厚嘅喇沙湯，更加相得益彰。呢道菜不止味道豐富，仲帶有一絲微辣，非常適合喜歡嘗試新口味嘅食客。🥢懷舊鐵板肉眼牛扒配薯菜。嚟得呢間餐廳緊係要試下啲扒，肉眼扒係鐵板上滋滋聲，加埋汁真係好香。肉眼牛扒選用上等部位，肉質鮮嫩多汁，每一啖都好惹味。搭配新鮮嘅薯菜，不止增添色彩，仲提供豐富嘅口感層次。我哋揀左黑椒汁，更係為整道菜增添一抹獨特嘅風味，叫人回味無窮。餐廳位置喺深水埗，距離地鐵站嘅路程都非常近，我哋都覺得係一個非常方便嘅選擇。附近食完仲可以行吓商場，亦都唔失為一個好嘅選擇。餐廳主打懷舊嘅牛扒餐，鍾意食嘅朋友真係唔可以錯過。

🥢馬來咖喱牛腩飯馬來咖喱牛腩飯是一道融合了馬來風味與香港特色的美食。這款咖喱的顏色偏深黃，散發著誘人的香氣，讓人忍不住想要一試。整體嘅味道唔算太辣，我覺得都非常適合香港人嘅口味牛腩的選材上佳，肉質鮮嫩且富有彈性，經過長時間燉煮後，完全吸收了咖喱的香料精華。每一口都能感受到牛肉的鮮美和咖喱的濃厚滋味。這裡的咖喱與一般市面上常見的咖喱不同，它加入了大量蒜蓉，使得味道更加層次分明，既有香濃又帶有微微的辛辣感，讓人回味無窮。搭配的白米飯則是這道菜的完美伴侶。米飯粒粒分明，柔軟而不黏，能很好地吸附咖喱汁。每一口米飯都能帶出咖喱的香氣，讓人感受到滿足感。若喜歡辣味，可以適量添加一些辣椒醬，更能提升整體風味。🥪公司三文治公司三文治是另一道經典的港式小吃。這款三文治通常以新鮮的麵包為底，加上各種餡料，如火腿、雞肉、沙律等，簡單卻充滿了家的味道。餡料選擇，火腿與沙律搭配得恰到好處。火腿切片厚薄適中，肉質鮮嫩，而沙律則增添了清新的口感。整體口味清新，不油膩，非常適合作或午餐。三文治使用的新鮮麵包外脆內軟，每一口都能感受到麵包的香氣。搭配上特製的沙律醬，更是讓整個三文治充滿了風味。🥤凍檸茶在香港可謂家喻戶曉

上星期六晚與老公於荔枝角按摩後，在往D2 TWO覓食的途中經過這間充滿聖誕氣氛的西餐廳🎅🏻食肉獸老公見倒鐵板肉肉便說著要試試看，站在可補充豐富蛋白質的角度來看，我也點頭內進！🥩鐵板牛柳 $158(鐵板餐均配餐湯、牛油餐包、薯菜和熱飲)上枱後拿起一塊餐巾，店員便會為大家淋上黑椒汁(可選燒汁)。熱辣辣的鐵板與黑椒汁起的化學聲效，勾起了童年與家人在莎樂美据扒的溫馨回憶🥰點了五成熟我我，切開也見到嫩紅色和肉汁，不錯不錯👌🏻牛柳的肉質是典型港色鐵板西餐的鬆軟口感，略有肉味，但當然不要跟高級餐廳的牛扒作比較吧！/伴菜有西蘭花和粗身曲薯條，有部分薯條被牛扒壓淋了，岩哂我呢個中意食淋薯條既怪人😂還有：香噴噴、軟熟且暖烘烘的甜餐包配牛油，好味道😋羅宋湯和熱檸水正常發揮。最後驚喜地奉上鮮果利賓納啫喱，為這豐富的晚餐劃上滿足的句號。🥩鐵板肉眼牛扒$148 +意粉 $8 ＋特大檸檬七喜 $8 +酥皮忌廉湯 $18食肉獸老公點的餐，試了一口肉眼，覺得厚切牛柳的質感較好，肉味也濃一點。/二人消費免加一合共$340，以這個價錢來說還不錯🙂‍↕️有小孩後很少和老公有吃得輕鬆的機會，簡簡單單一餐安樂茶飯也很滿足，有誰共鳴

又係真實食評既時間，相比起宜家周圍都係既x園餐廳，我會想食呢間多啲。環境：唔迫，座位夠寬敞。衛生程度：眼見嘅都係乾淨企理食物質素：不過不失，普通嘅一塊扒，對得住呢個價錢，但係個意粉方面真係唔掂，勁油，食到差唔多完，成個碟底都係油，唔建議大家嗌意粉。但係碗紅湯就幾出色下。 推薦菜式：紅湯，凍檸茶極不推薦菜式：意粉總結：而家出邊啲茶餐廳食個扒都話要一舊水，咁我相信呢間冇得輸，會再幫襯👍🏻👍🏻👍🏻👍🏻

放lunch 時間，同同事想鋸扒，記得之前食過馬得里扒，記得當時覺得唔錯，想回味一下當時既味道。午餐時間，都幾多人排隊，等左一陣先有位，我地等位期間巳經睇定餐牌，決定食是日午餐既肉眼牛扒配煙鴨胸，一個配飯，一個配意粉。肉眼牛扒配煙鴨胸：食物上枱既時間都幾快，牛扒肉質食落唔鞋口，有牛味，煙鴨胸煙熏味幾香，㨂左黑椒汁，調味適中。涷奶茶夠金𣲙涷，奶同茶既比例剛好，香滑濃郁。🔎馬德里餐廳 (深水埗)📍深水埗福榮街120-122號地舖

2個人叫了2個dinner set, 有沙律伴飯、有扒、有煎雙蛋、有餐包、有餐湯，還有餐飲。碟飯好大碟，每人只吃了一半，食剩打包，第日返工帶飯食。套餐$88一個，加外買盒$1一個，每人$89，抵。