影片
更多
2023-01-11
63 瀏覽
吉勝吉列串揚專門店大角咀一向美食林立，見到有間主打串揚既居酒屋，香港比較小見呢種食物就入去試下。入座時約八點，餐廳唔算多人，坐滿一半，加上座位間較開，靜靜地好舒服。店內裝潢有唔同日式風格，廚房前更擺左隻好靚仔既黑金色達摩。一場黎到，當然要試下鋪頭推介既吉列串揚，串揚本身源於日本大阪地區，用竹籤穿過各種蔬菜、肉類或海鮮，於外層裹上麵衣，再放入油鍋中油炸，並沾取醬汁食用，一般沾醬就帶酸甜味，以中和串揚既油膩感。以往係日本食過既炸串更會提供椰菜比食客，係食串與串之間，作清熱氣及解油膩之用。串揚方面，當日ORDER左紫蘇雞肉($18)、煙燻豚肉($22)、芥末牛柳($18)、黑豚肉韭菜卷($24)、和牛肋肉($28)、日本南瓜($12)、冬菇($12)、日本茄子($12)及芝心竹輪卷($18)。餐廳不少食材都從日本入口，蔬菜食得出十分新鮮，南瓜、茄子等食落爽甜無渣，和牛用上近江和，一咬爆汁，食落油脂感滿分。除左呢D其他串炸如、煙燻豚肉及芥末牛柳都十分值得推介。吉列白豚肉(豬柳)($72)，一碟有三大件，三個人分都夠，豬柳炸至微粉色，落較軟，無筋，而且保留到肉汁；炸粉薄、脆而且唔會成件一咬就散哂
大角咀一向美食林立，見到有間主打串揚既居酒屋，香港比較小見呢種食物就入去試下。
入座時約八點，餐廳唔算多人，坐滿一半，加上座位間較開，靜靜地好舒服。店內裝潢有唔同日式風格，廚房前更擺左隻好靚仔既黑金色達摩。
一場黎到，當然要試下鋪頭推介既吉列串揚，串揚本身源於日本大阪地區，用竹籤穿過各種蔬菜、肉類或海鮮，於外層裹上麵衣，再放入油鍋中油炸，並沾取醬汁食用，一般沾醬就帶酸甜味，以中和串揚既油膩感。以往係日本食過既炸串更會提供椰菜比食客，係食串與串之間，作清熱氣及解油膩之用。
串揚方面，當日ORDER左紫蘇雞肉($18)、煙燻豚肉($22)、芥末牛柳($18)、黑豚肉韭菜卷($24)、和牛肋肉($28)、日本南瓜($12)、冬菇($12)、日本茄子($12)及芝心竹輪卷($18)。餐廳不少食材都從日本入口，蔬菜食得出十分新鮮，南瓜、茄子等食落爽甜無渣，和牛用上近江和，一咬爆汁，食落油脂感滿分。除左呢D其他串炸如、煙燻豚肉及芥末牛柳都十分值得推介。
吉列白豚肉(豬柳)($72)，一碟有三大件，三個人分都夠，豬柳炸至微粉色，落較軟，無筋，而且保留到肉汁；炸粉薄、脆而且唔會成件一咬就散哂。鋪頭會提供芝麻比食客自己磨碎，再入加吉列醬食，醬汁食落帶酸，微甜，撈勻磨好左既芝麻食又有另一番風味。另一樣驚喜既係椰菜，食落冰涼清甜無渣，加埋芝麻醬食一流。
壽喜牛肉鍋($110)，份量多，配料夠，一鍋內含牛肉、溫泉蛋及蔬菜如旺菜、豌豆及豆腐等。牛肉上菜時半熟，熱湯會慢慢浸熟，壽喜燒汁比較甜，帶酒味，如果可以配烏冬食就正。
黑松露炒雜菌($68)，驚喜之作，本身諗住成餐飯無菜食叫個炒菜食，起初以為平平無奇，上菜時勁香黑松露味，食落黑松露味都好出，帶牛油香，另外餐廳加上小小黑椒點綴，令菜式無咁膩。
作為居酒屋，餐廳有提供不同既酒選擇，當日ORDER左荔枝味既KIRIN DRAFT($68)及HIGH BALL($48)，味道就正常不過唔係好夠凍。
總結黎講餐廳食物質素水平幾好，用料唔差，眼見唔少食材都用上日本貨，而且價錢唔貴，可以再黎。
張貼
