影片
更多
2023-05-04
172 瀏覽
📍平民扒房@友蠔食 (旺角) 估唔到喺旺角街頭上有間咁隱蔽嘅高質平民扒房😍！餐廳位於韓川嘅樓上，裝修偏工業風，主打牛扒及西餐，價錢十分親民👏！今次嚟到見到有個新推出嘅燒雞套餐，就決定試一試~𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:◾️二人燒雞套餐 ($198)▫️南瓜雜菜湯南瓜味道濃郁🎃，湯嘅質感好creamy，整體好香甜好飲！▫️原隻燒雞雞嘅外皮燒至金黃色🧡，賣相好靚好吸引，而且超大隻！一上枱已經忍唔住要撕隻雞髀🍗落嚟食，一撕開就已經見到好多肉汁🤩，食落雞味好香，且肉質鮮嫩，仲好入味！之後就開始食雞胸部位，發現即使係雞胸位都依然肉汁滿滿👍，口感唔會好乾柴！整體嚟講超滿足，好滋味！燒雞旁邊仲有好多薯條、翠玉瓜、蘿蔔等配料，🍟薯條好香脆，而其他蔬果好清新，正好中和返油膩感~ ▫️生蠔 (+$10/隻)餐廳叫得做「友蠔食」，就當然要試一試佢哋嘅生蠔啦🦪！套餐優惠加$10就可以有一隻生蠔，價錢相當實惠！生蠔望落雖然唔算好大隻，但係食落好有驚喜，因為鮮味好突出😙，而且口感爽滑，充滿海水味！▫️飯/意粉另外套餐仲跟咗每人一客飯/意粉，食到超飽超滿足！🍝意粉仲好貼心咁附上洋蔥汁，味道好香！建議大家如果唔算大食嘅話可以只
估唔到喺旺角街頭上有間咁隱蔽嘅高質平民扒房😍！餐廳位於韓川嘅樓上，裝修偏工業風，主打牛扒及西餐，價錢十分親民👏！今次嚟到見到有個新推出嘅燒雞套餐，就決定試一試~
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
◾️二人燒雞套餐 ($198)
▫️南瓜雜菜湯
南瓜味道濃郁🎃，湯嘅質感好creamy，整體好香甜好飲！
▫️原隻燒雞
雞嘅外皮燒至金黃色🧡，賣相好靚好吸引，而且超大隻！一上枱已經忍唔住要撕隻雞髀🍗落嚟食，一撕開就已經見到好多肉汁🤩，食落雞味好香，且肉質鮮嫩，仲好入味！之後就開始食雞胸部位，發現即使係雞胸位都依然肉汁滿滿👍，口感唔會好乾柴！整體嚟講超滿足，好滋味！燒雞旁邊仲有好多薯條、翠玉瓜、蘿蔔等配料，🍟薯條好香脆，而其他蔬果好清新，正好中和返油膩感~
▫️生蠔 (+$10/隻)
餐廳叫得做「友蠔食」，就當然要試一試佢哋嘅生蠔啦🦪！套餐優惠加$10就可以有一隻生蠔，價錢相當實惠！生蠔望落雖然唔算好大隻，但係食落好有驚喜，因為鮮味好突出😙，而且口感爽滑，充滿海水味！
▫️飯/意粉
另外套餐仲跟咗每人一客飯/意粉，食到超飽超滿足！🍝意粉仲好貼心咁附上洋蔥汁，味道好香！建議大家如果唔算大食嘅話可以只叫一客，如果唔係會食唔晒！
▫️雜莓乳酸特飲🍓
▫️菠蘿乳酸特飲🍍
套餐仲包埋兩杯特飲，兩杯味道都酸酸甜甜咁，好清新解渴！
𝑨𝑫𝑫𝑹𝑬𝑺𝑺:
📍旺角通菜街27號閣樓
M/F, 27 Tung Choi Street, Mong Kok
張貼
