影片
更多
2024-10-21
130 瀏覽
旺角新開嘅西班牙餐廳！本身價錢已經好抵，比一般港島西班牙菜平一半左右🫣。但嘢食質素又唔錯喎！🌟炸西班牙辣椒仔$48之前喺第二間餐廳想嗌但冇貨（仲要賣$98呀🤣），喺呢度就搵得到。同日本嘅ししとう（獅子唐辛子/青椒仔）一樣，椒肉比較薄身，味道一啲都唔辣。我覺得佢本身係椒味比較重同少少苦，但呢種味道配啤酒真係一流。🌟炸雞軟骨$48炸得香脆可口，大大兜都好快俾我哋清晒🫣。欣賞佢哋唔係用現成他他醬。🌟野生紅蝦配秘製醬汁$88紅蝦軟糯鮮甜（0腥味），醬汁嘅蝦膏味好濃，越嚼會覺得越香。我一個人食晒成碟都覺得唔夠🤣。🌟是日餐湯$38有雞肉嘅蘑菇湯，估唔到有肉會香咁多。🌟蒜香帶子意大利粉$138除咗蒜香，仲有洋蔥經過焦糖化的香味，真係特別惹味。帶子生熟度啱啱好。一路食會一路覺得師傅真係好犀利。🌟碎蛋煙火腿意大利香草包|奶茶 $68香草包好鬆軟，真係勁重rosemary味。碎蛋沙律夾雜粟米，唔係日式重mayonnaise嗰重。加埋羅馬生菜同煙火腿，偏向清新輕盈。🌟Damm Lemon (Pint)(HH)$38極好飲！濃濃果味好清爽。
旺角新開嘅西班牙餐廳！本身價錢已經好抵，比一般港島西班牙菜平一半左右🫣。但嘢食質素又唔錯喎！
🌟炸西班牙辣椒仔$48
之前喺第二間餐廳想嗌但冇貨（仲要賣$98呀🤣），喺呢度就搵得到。同日本嘅ししとう（獅子唐辛子/青椒仔）一樣，椒肉比較薄身，味道一啲都唔辣。我覺得佢本身係椒味比較重同少少苦，但呢種味道配啤酒真係一流。
🌟炸雞軟骨$48
炸得香脆可口，大大兜都好快俾我哋清晒🫣。欣賞佢哋唔係用現成他他醬。
🌟野生紅蝦配秘製醬汁$88
紅蝦軟糯鮮甜（0腥味），醬汁嘅蝦膏味好濃，越嚼會覺得越香。我一個人食晒成碟都覺得唔夠🤣。
🌟是日餐湯$38
有雞肉嘅蘑菇湯，估唔到有肉會香咁多。
🌟蒜香帶子意大利粉$138
除咗蒜香，仲有洋蔥經過焦糖化的香味，真係特別惹味。帶子生熟度啱啱好。一路食會一路覺得師傅真係好犀利。
🌟碎蛋煙火腿意大利香草包|奶茶 $68
香草包好鬆軟，真係勁重rosemary味。碎蛋沙律夾雜粟米，唔係日式重mayonnaise嗰重。加埋羅馬生菜同煙火腿，偏向清新輕盈。
🌟Damm Lemon (Pint)(HH)$38
極好飲！濃濃果味好清爽。
張貼
