燒肉 JuJu

營業中

休息中

又毒又窮又想食燒肉？呢間小店幫到你🤣 主打平靚正嘅燒肉套餐，另外亦有單點選項。店內環境唔大，設有多個一至二人座位，仲有塊版隔住，享受Me Time就啱晒。值得一提嘅係呢度開到凌晨12點，夜晚餓餓哋都可以過嚟食。燒肉壽喜燒套餐包含日本和牛150G+秘製壽喜燒汁、前菜、日本蛋同白飯。和牛薄切，嫩滑多汁，旁邊附上多款醬汁，可自行調配屬於自己嘅味道。建議可以加錢升級日本蛋紫菜飯，將燒肉撈埋入去食真係好Match！壺漬原條蒜香豬腩條定食包括味噌湯或黃金粟米濃湯、泡菜或日式沙律，配上明太子日本蛋烏冬或日本蛋紫菜飯。原條豬腩賣相吸睛，吸滿醬汁，油脂滿滿，肥瘦均勻，燒至焦香，外脆內滑。烏冬軟硬度適中，附上蛋、紫菜、木魚、蔥粒，攪拌後食，唔覺唔覺就清晒。