元福日本料理

營業中

休息中

去浸會大學之前就係建新中心搵地方食午餐，見到呢間日本野就諗住試下。地方唔大，坐低會有少少逼。我自己叫左一個燒雞扒豚骨拉麵，午餐仲會送飲品，嗌左一罐蘆薈汽水。拉麵同雞扒份量幾大，食哂都幾飽。豚骨湯幾好味，雖然唔係特別濃味，但都冇落左味精既感覺。湯加左啲炸蒜，味道好夾同埋食落香口啲。雞扒煎得好香，皮係脆既，肉都冇好乾。朋友嗌左一個蟹子金菇肥牛拉麵，金菇肥牛卷係非常好食，特別係加左蟹子更有口感。呢個拉麵好快就賣哂，聽到有其他人都想嗌但冇哂。食物味道相當唔錯，價錢都幾抵又包飲品。下次黎會想試下佢既飯。