熊貓小雲吞 (西九龍中心)

營業中

休息中

西九龍中心依間熊貓小雲吞，價錢幾抵食下，兩個人叫到成枱食物都係剛好$200度，極致清湯牛腩上海粗麵選配人氣酸辣湯，酸辣味好夾，兩者做到剛剛好，愈食愈滋味，白蘿蔔入味無渣，麵條彈牙有口感. 一口豚肉韭菜雲吞選配美顏蕃茄湯底，雲吞size剛好一口，方便食用，唔洗怕食到跌哂啲餡出嚟，蕃茄湯底不會過酸. 如果大家好似我咁想食撈麵但又唔想食涼麵可以選熱撈麵，紅燒肉撈撈，麵上加了脆花生，增加口感，紅燒肉送麵一流，鍾意食辣嘅可以加埋招牌辣椒油， 辣度真係幾足下.小食叫咗涼拌海帶絲，份量好足，海帶絲爽口. 飲品叫咗熱洛神花茶及熱黃金大麥茶，大麥茶麥味幾濃. 至於服務方面也不錯.