影片
更多
2023-09-09
46 瀏覽
平時好鍾意食燒肉，有時一個人都會想食🤤 今日試咗呢間主打一人燒肉嘅餐廳，覺得都幾唔錯！佢哋有好多燒肉套餐揀，又可以揀份量，啱晒唔同食量嘅朋友仔👍🏻呢度係用QR Code自助落單，直接網上付款，亦都可以直接搵店員落單付款，之後店員就會送餐。凍/熱水係自助嘅～🌟牛五花 & 豬五花套餐 100g $48有3片牛五花、4片豬五花～ 套餐包日本珍珠米飯、和風湯、泡菜或迷你沙律。我揀咗沙律🥗，係青瓜粟米，有少少沙律醬，都幾清新爽口！和風湯係蘿蔔牛肉湯，都幾多料，清甜唔會過鹹！牛五花同豬五花都算肥瘦均勻，唔會有好多肥肉，燒到一面焦香再反另一面，燒多一陣就食得。牛五花幾軟腍，油脂幾豐富而唔膩。有幾款醬汁可以點，推薦試吓燒肉醬同鹽味醬，同燒肉好夾，甜甜鹹鹹令味道提升！佢哋嘅珍珠米飯🍚煮得幾好，同燒肉一齊食幾好味！女仔唔大食嘅話100g肉都夠飽，因為飯都算大碗。男仔嘅話揀200g肉會好啲！咁平價有燒肉套餐食，性價比算高，肉嘅質素對得住價錢！有單人位坐，一個人食都唔會尷尬😂
平時好鍾意食燒肉，有時一個人都會想食🤤 今日試咗呢間主打一人燒肉嘅餐廳，覺得都幾唔錯！佢哋有好多燒肉套餐揀，又可以揀份量，啱晒唔同食量嘅朋友仔👍🏻
呢度係用QR Code自助落單，直接網上付款，亦都可以直接搵店員落單付款，之後店員就會送餐。凍/熱水係自助嘅～
🌟牛五花 & 豬五花套餐 100g $48有3片牛五花、4片豬五花～ 套餐包日本珍珠米飯、和風湯、泡菜或迷你沙律。我揀咗沙律🥗，係青瓜粟米，有少少沙律醬，都幾清新爽口！和風湯係蘿蔔牛肉湯，都幾多料，清甜唔會過鹹！
牛五花同豬五花都算肥瘦均勻，唔會有好多肥肉，燒到一面焦香再反另一面，燒多一陣就食得。牛五花幾軟腍，油脂幾豐富而唔膩。
有幾款醬汁可以點，推薦試吓燒肉醬同鹽味醬，同燒肉好夾，甜甜鹹鹹令味道提升！佢哋嘅珍珠米飯🍚煮得幾好，同燒肉一齊食幾好味！
女仔唔大食嘅話100g肉都夠飽，因為飯都算大碗。男仔嘅話揀200g肉會好啲！咁平價有燒肉套餐食，性價比算高，肉嘅質素對得住價錢！有單人位坐，一個人食都唔會尷尬😂
張貼
