金坊泰國美食

營業中

休息中

之前食過路德圍果間，都唔錯，中午行過見到荃灣原來有另一間就去試下，點知食完會咁唔開心。坐升降機上到3樓，一出門口就一陣拜神香味，一個小小的等升降機地方無通風但在燒香，個人感覺是個小型毒氣室。到的時候因為不用等位問題不大，走的時候等升降機到真的不能忍，行樓梯算。一個人食一個$40的set，豬排飯加凍檸蜜。個飯賣相除左hea之外都唔知講咩好。豬排睇落會好鞋，兩片葉咁多的菜加一大堆白飯。一食，豬排又鞋又冇味，師傅在刀工上發揮出藕斷絲蓮刀法的精髓，一件豬排切成七條都可以連住。成碟飯除左飯味之外咩味都無，失望。杯凍飲同個飯一齊落單，食完個飯再等多五分鐘先有野飲，一杯青綠色的檸蜜，但飲落係檸水，無蜜味，極速放棄，埋單走人。