影片
更多
2018-01-11
327 瀏覽
下午，陪家姐去花墟買花。買完之後，個天開始黑，忽然收到阿媽嘅追魂 call，話老豆想今晚打邊爐，叫我哋行去界限街、基隆街嗰邊，趁 “蘇記水餃” 仲未柵門，買啲水餃、肉丸、牛丸等打邊爐必食材料上去佢屋企。好! 阿媽吩咐，照辦!買完之後，行去搭地鐵，沿著基隆街、汝洲街一路行，沿途食肆非常多，火鍋店都唔少，家姐就埋怨道: “呢度咁多火鍋店，點解唔喺呢度打邊爐，而係要喺阿媽屋企搞一大輪嚟打呢?” 我無言。行行下，見到一間開張無耐嘅火鍋店，個名好趣致，叫做 “蚊蚊豬”。家姐心血來潮，建議我哋喺度來一個快火鍋，食完先拎啲嘢返去俾阿媽。我道: “無問題，你請就得嘞!” 靚仔哥哥招呼我哋在樓下坐。店內很光猛，裝修簡約，乾淨企理。檯面上的杯、碗、碟都好有特色。連筷子都刻了 “蚊蚊豬”。仲有呢樽麻油，據靚仔哥哥說，這個麻油是秘制的，每位客人限有一樽。點單紙上的選擇都唔少，價錢都好實惠。我哋問靚仔哥哥有咩好推介，佢說【手切牛頸脊】、【豬黃喉】、【毛肚】都是必食招牌嘢，仲有【鮮蝦滑】、【墨魚滑】、【鯪魚滑】……。湯底方面，如果嗜辣的可以選擇 【重慶雞煲】，不吃辣的，【鮮菌清湯窩】都唔錯。同家姐商量咗一陣，少少
買完之後，行去搭地鐵，沿著基隆街、汝洲街一路行，沿途食肆非常多，火鍋店都唔少，家姐就埋怨道: “呢度咁多火鍋店，點解唔喺呢度打邊爐，而係要喺阿媽屋企搞一大輪嚟打呢?” 我無言。
行行下，見到一間開張無耐嘅火鍋店，個名好趣致，叫做 “蚊蚊豬”。
家姐心血來潮，建議我哋喺度來一個快火鍋，食完先拎啲嘢返去俾阿媽。我道: “無問題，你請就得嘞!”
靚仔哥哥招呼我哋在樓下坐。店內很光猛，裝修簡約，乾淨企理。
檯面上的杯、碗、碟都好有特色。
連筷子都刻了 “蚊蚊豬”。
仲有呢樽麻油，據靚仔哥哥說，這個麻油是秘制的，每位客人限有一樽。
點單紙上的選擇都唔少，價錢都好實惠。
我哋問靚仔哥哥有咩好推介，佢說【手切牛頸脊】、【豬黃喉】、【毛肚】都是必食招牌嘢，仲有【鮮蝦滑】、【墨魚滑】、【鯪魚滑】……。湯底方面，如果嗜辣的可以選擇 【重慶雞煲】，不吃辣的，【鮮菌清湯窩】都唔錯。同家姐商量咗一陣，少少哋 (因為驚上到阿媽屋企，佢唔放過我哋，要我哋食埋佢個邊爐鍋先準走)，點了【鮮菌清湯窩 $98】、【豬黃喉 $78】、【手切牛頸脊 (例) $198】、【鳳城水餃 $58】和【皇帝菜 ($38】
靚仔哥哥仲教我哋，混醬材料唔需要多，辣椒、蒜蓉、芫茜、蔥，加埋秘制的麻油和蠔油就夠嘞! 保證好味! 好! 信你!
女侍應陸續上菜，我細細聲問佢，點解間火鍋店個名咁得意叫 “蚊蚊豬”? 佢話佢都唔知，還叫我問番老闆。我都唔知你老闆係邊個，點問呢?
食物上齊，趕時間，開動!
【鮮菌清湯窩】好大窩，直徑起碼有16吋闊，各樣鮮菌和粟米多到呢~~~ 湯底又清甜。
【豬黃喉】真係好爽，又有少少彈牙，口感一流。點埋個加咗蠔油嘅醬，真係鮮味好多喎，靚仔哥哥果然無介紹錯。
【手切牛頸脊】新鮮唔在講，油脂分佈均勻，唔肥膩，肉質嫩，重肉味。
【鳳城水餃 $58】最初見佢層皮好似好厚咁，驚唔好食。
但係，食落又唔錯喎，裡面啲餡是白菜、木耳，都好健康，比得上蘇記水餃嗰啲質素。
好彩叫嘢唔算多，食埋啲鮮菌和粟米，已經飽到上喉嚨。突然，手機響，阿媽又來追call。拿臨埋單，趕返去。俾錢時，我又問靚仔哥哥，點解間火鍋店個名叫做 “蚊蚊豬”，佢笑笑答我: “我個女咪叫蚊蚊豬囉，所以用咗佢個名來做舖頭個名，其實我都係幫個女打工乍，無計啦~~” 睇見佢個樣，幾鬼冧!
張貼
