民華餐廳

營業中

休息中

成日經過間民華餐廳，今日放假終於可以慢慢試一試佢嘅早餐，仲有好多款點心選擇！原來係全日都供應嘅常餐，只係早餐同午餐價錢唔同，當然早餐係平啲啦！個人認為佢哋嘅米粉比公仔麵好味，湯底有蕃茄湯同忌廉湯揀，湯底咁好味當然係配一個清淡啲嘅面，可以試真個湯底！👍🏻轉多士唔使加錢 大大加分😍😍😍而且佢哋嘅多士真係好好味！另外仲點左一籠點心，金錢肚蘿蔔入味，金錢肚亦都好淋！假期真係好多人，係咁忙嘅情況下服務質素都好好，抵讚！