潮庭 (星光行)

營業中

休息中

到咗追求健康養生嘅年紀又開始會想帶屋企嘅長輩去食啲特別菜式知道有呢個「嚐當年手工菜」 粵菜系列就想趁有時間帶佢哋重溫一下當年情懷滋味我哋後生嘅又可以試吓呢啲手工繁複、買少見少嘅功夫菜今次一行四個人，叫咗四餸一湯：✨「鹹青欖燉豬肺湯」 —— 係一款潮汕經典養生燉湯，豬肺洗得好乾淨，再配鹹青欖慢燉，湯水清而不沌，飲落滋補又清潤，一人飲咗兩碗。✨「荷包黄玉参」—— 同樣係潮汕年節嘅名菜，黃玉參入面釀滿蝦膠，再慢燜三小時，一咬落去Q彈嘅口感，層次豐富，寓意又好，伴咗個醬汁可以點，調味恰到好處，顯得出師傅嘅功架。✨「草菇煸乳鴿」—— 乳鴿肉質非常軟熟，而且好入味，釀入炒香咗嘅草菇，肉嫩菇香，兩隻原隻乳鴿上枱，份量十足。✨「黃金石榴帶子」—— 呢個脹卜卜外型似石榴寓意吉祥嘅餸，原來係以蛋皮包住帶子粒做餡，再將外皮炸至酥脆，外脆內軟，係傳統同新派嘅結合。✨「普寧豆醬焗馬友」—— 馬友魚油豐腴，肉質鮮甜細嫩，以砂鍋焗製佐以鹹鮮普寧豆醬，完美提鮮，鍾意食魚嘅我哋，連魚頭都食埋。餐廳環境都算寬敞枱與枱之間都有一定程度嘅空間樓面嘅服務員姨姨都好友善 乳鴿都係上到枱會幫你剪埋如果剪第二個餸又會幫你換另一把鉸剪