Niksen Koffie (已結業)

太耐冇去黃埔搵食，開咗間新嘅食店，餐廳好大環境唔錯，座位坐得好舒適，佢最好嘅地方係 有一個area 係寵物用膳區域，佢哋有食物for 毛孩，寵物餐都有好多選擇，你可以帶埋你嘅寵物一齊用膳，照顧埋毛孩，抵讚我地叫咗 日式和風章魚燒薄餅，凱薩沙律，咸蛋黃牛油忌廉汁雞翼，當然一定要叫甜品啦凱薩沙律，有煙肉碎同麵包粒，好fresh ，仲落咗好多芝士粉，好好味日式和風章魚燒薄餅，size 都大份，章魚料都好多，同彈牙，木魚鋪滿係面，薄餅底比較簿，啱晒細食嘅我地 因為要留肚食甜品咸蛋黃牛油忌廉雞翼，雞翼炸得好香口，脆卜卜，雞翼好juicy，連埋佢嘅牛油忌廉，食完唔覺油膩 可以食多幾隻最後甜品上枱 士多啤梨拿破崙抹茶芭菲同埋香印提子拿破崙芭菲 兩杯都有唔同味道，士多啤梨同雪糕比較甜 ，而香印提子唔太甜，佢個雪糕好好味 係波子汽水味，拿破崙好脆口，係杯底有芋圓，蒟蒻等等，食完唔會有罪惡感