力寶軒

營業中

休息中

話說呢個八姑媽個仔啱啱用專才計劃嚟香港，老竇就扮好人成日叫我去帶八姑媽叫我帶佢個仔去飲吓茶了解吓香港文化，同埋識吓香港朋友喎，咁我就近近地帶佢去力寶軒飲茶🫖咁啱力寶軒有點心孖寶，真係好抵食，原價應該要160蚊而家108蚊就食到，呢條仔廣東話唔得㗎，以為我話佢係媽寶🤣🤣未食飽已經笑飽。嚟到個蝦餃真係超足料，呢個價錢性價比實在太高！另一款黃金鮑魚雞粒粿，都真係粒粒食到鮑魚同雞！另外我點咗臘味蘿蔔糕，條友話佢從來都唔食蘿蔔糕，因為話有浸怪味，但係呢度個蘿蔔糕好好食，成碟佢清晒！條友成日同啲幹部去食好西都話呢間飲茶真係幾正，又坐得舒服又近大家返工，加埋而家有優惠性價比真係幾高！