影片
更多
2024-07-05
55 瀏覽
好似好耐無食好西😎見呢間好多人讚性格比唔錯😂咁今日就去咗灣仔食呢間omakase先黎既前菜，沢蟹沙律好特別隻沢蟹雖然細細隻，但係炸得好香口之餘，入面仲見到佢有蟹膏架！蟹既鮮味好出 到咗我哋既14貫壽司 😎帆立貝壽司 比出面既帆立貝更加彈牙 帆立貝真鯛 清淡既真鯛，配上少許柚子，有種清新優雅既感覺，慢慢喚醒你嘅味蕾間八 加左少少胡椒鹽係面頭，令佢突出左魚既甘甜味，而間八口感亦十分之爽口 深海池魚 師傅特登比左腩位我哋 佢唔係一啲油份會迫哂出黎嗰種，而係係口入面滲透 🤤伊佐木 呢個係我係日本成日會叫既一種！ 十分有咬口 而魚肉甘甜 😍😍關鯖 師傅話依家當造，佢輕輕炙燒左一下，迫到啲油份出黎，再慢慢咀嚼，魚香滿滿 池魚 （同深海池魚唔同種架 😶質感上 都好唔同） 油香會比較香啲水八瓜 呢個真係好彈牙！但係又唔會話太靭可以作為呢餐既轉折點 🤩因為好戲在後頭！赤身 🤤雖然赤身咋，不過魚質都十分綿滑 而且鮮美十足！右口魚邊 超級肥美！炙燒左之後 有啲入口即溶既感覺 🤤🤤毛蟹 仲放左啲蟹膏係面，蟹既鮮味係口腔入面爆炸 😍 蟹肉一絲絲，係新鮮拆既肉先會有既口感 三文魚籽軍艦 三文魚籽咸香十足，但咸
😎見呢間好多人讚性格比唔錯😂咁今日就去咗灣仔食呢間omakase
先黎既前菜，沢蟹沙律好特別
隻沢蟹雖然細細隻，但係炸得好香口之餘，入面仲見到佢有蟹膏架！蟹既鮮味好出
到咗我哋既14貫壽司 😎
帆立貝壽司 比出面既帆立貝更加彈牙 帆立貝
真鯛 清淡既真鯛，配上少許柚子，有種清新優雅既感覺，慢慢喚醒你嘅味蕾
間八 加左少少胡椒鹽係面頭，令佢突出左魚既甘甜味，而間八口感亦十分之爽口
深海池魚 師傅特登比左腩位我哋 佢唔係一啲油份會迫哂出黎嗰種，而係係口入面滲透 🤤
伊佐木 呢個係我係日本成日會叫既一種！ 十分有咬口 而魚肉甘甜 😍😍
關鯖 師傅話依家當造，佢輕輕炙燒左一下，迫到啲油份出黎，再慢慢咀嚼，魚香滿滿
池魚 （同深海池魚唔同種架 😶質感上 都好唔同） 油香會比較香啲
水八瓜 呢個真係好彈牙！但係又唔會話太靭
可以作為呢餐既轉折點 🤩因為好戲在後頭！
赤身 🤤雖然赤身咋，不過魚質都十分綿滑 而且鮮美十足！
右口魚邊 超級肥美！炙燒左之後 有啲入口即溶既感覺 🤤🤤
毛蟹 仲放左啲蟹膏係面，蟹既鮮味係口腔入面爆炸 😍 蟹肉一絲絲，係新鮮拆既肉先會有既口感
三文魚籽軍艦 三文魚籽咸香十足，但咸道剛剛好，粒粒係個口入面爆開鮮味 🤤🤤
北海道小川紫海膽 呢個聽個名，已經知 無敵！ 🥹鮮甜到呢 好感動，係日本海膽先做得出唔甜而無苦澀味 🥹🥹 好想要多幾舊
牡丹蝦 蝦膏燒香左啲再放係面，入口係蝦膏種甘香，慢慢到蝦肉既鮮美 🤤 然後，蝦頭仲會炸香，為成餐畫龍點睛
最後上左蝦油素麵，同柚子雪葩 為成餐畫左完美句號
最重要係，師傅真係好nice，成餐都有好多interaction，係開心好多既
張貼
