影片
更多
2016-01-02
1549 瀏覽
以前搵食艱難，物資短缺，一衣一飯得來不易，厨師物盡其用，不少美食應運而生。猶記童年時去官塘、深水埗「掃街」，油渣麵係必然之選，但唔知幾時開始，無牌小販同我嘅童年一樣隨年月消失。社會富裕，食物選擇多咗，下欄嘢難登大雅之堂，而且嫌棄豬油唔健康，更直接影響油渣貨源，所以英記係碩果僅存主打油渣麵嘅老字號。 舖位處於舊樓當中，好彩喺街口有指示牌引路，否則好易行錯。 大油渣麵$28舖頭裝修簡約，充滿街坊風味。麵食只有兩款選擇，就係大油渣麵定細油渣麵😆一上枱，我以為時光倒流，兒時嘅街邊油渣麵重現眼前。麵係方條粗上海麵；油渣鬈曲白裏見啡色肉條；原隻小花菇;冬菜葱花齊出現,咬一件豬油渣，爽口鹹香，麵條腍中有咬口，環顧枱面只有辣椒油一種調味料。油香少辣，一聞就知用豬油炮製，用嚟點豬油渣，夾到不得之了。所以獨沽一味油渣麵配孤獨辣椒油係有原因嘅。 炸雞翼兩隻$7舖內只有一個白板餐牌，得雞翼芝士腸同油菜，叫咗雞翼，平平無奇，難怪其他客入嚟自動自覺只食麵。英記只瑟縮於大角咀一隅，不求有功但求無過，但一道招牌油渣麵，引來四方饞咀客，食物睇落簡單，難在一
以前搵食艱難，物資短缺，一衣一飯得來不易，厨師物盡其用，不少美食應運而生。猶記童年時去官塘、深水埗「掃街」，油渣麵係必然之選，但唔知幾時開始，無牌小販同我嘅童年一樣隨年月消失。社會富裕，食物選擇多咗，下欄嘢難登大雅之堂，而且嫌棄豬油唔健康，更直接影響油渣貨源，所以英記係碩果僅存主打油渣麵嘅老字號。
舖位處於舊樓當中，好彩喺街口有指示牌引路，否則好易行錯。
大油渣麵
$28
135 瀏覽
1 讚好
0 留言
辣椒油
93 瀏覽
0 讚好
0 留言
大油渣麵$28
舖頭裝修簡約，充滿街坊風味。麵食只有兩款選擇，就係大油渣麵定細油渣麵😆一上枱，我以為時光倒流，兒時嘅街邊油渣麵重現眼前。麵係方條粗上海麵；油渣鬈曲白裏見啡色肉條；原隻小花菇;冬菜葱花齊出現,咬一件豬油渣，爽口鹹香，麵條腍中有咬口，環顧枱面只有辣椒油一種調味料。油香少辣，一聞就知用豬油炮製，用嚟點豬油渣，夾到不得之了。所以獨沽一味油渣麵配孤獨辣椒油係有原因嘅。
雞翼
$7
132 瀏覽
0 讚好
0 留言
炸雞翼兩隻$7
舖內只有一個白板餐牌，得雞翼芝士腸同油菜，叫咗雞翼，平平無奇，難怪其他客入嚟自動自覺只食麵。
英記只瑟縮於大角咀一隅，不求有功但求無過，但一道招牌油渣麵，引來四方饞咀客，食物睇落簡單，難在一份堅持。
張貼
